金閣御膳正宗海鮮蒸氣石鍋 (Closed)

今日係屋企附近發現有間用蒸氣鍋蒸海鮮酒家。兩公婆就去試吓。入到去地方都唔錯，燈光火猛，有卡位，有圓枱。坐低冇耐職員就介紹咗一個蕃茄薯仔海鮮湯做蒸鍋蒸底。而且係用三種蕃茄煲的。好奇之下問職員有邊三種蕃茄(土耳其/越南/香港)都幾特別啦！因為每次食蒸氣石鍋都係用排骨粥做底。今次就試吓用蕃茄薯仔海鮮湯底。係大概5分鐘之後職員話先飲頭啖湯。每人一碗。果然好香蕃茄味，好清新。我老公仲話…呢個蕃茄湯好飲過我煲的 。雖然唔係好開心，不過算啦！又真係好飲好多 湯入面除咗有(土耳其/越南/香港)蕃茄，仲有薯仔，海蝦，大蜆，芹菜一起煲成的。係湯上面放一個有窿的蒸架，再放雲吞，蟲草雞係湯上面蒸，將所有蒸出嘅精華落到湯裡面。最後再飲個湯就真係超正 因為味道更加濃郁過頭啖湯，而且多咗鮮味。我地成晚就飲多起碼三碗 講吓雲吞有豬肉，蝦仔。不過就有少少失望。因為真的是蝦仔。而且雲吞皮梘水味太濃，陷料又咸最後一樣就係蟲草雞。出面一段蟲草雞唔會有雞腎。但金御善就有。不過可能斬得太碎，所以食嘅時候要小心d。因為好容易將d骨插到牙縫。雖然雞肉好滑，不過味道較咸。其實今晚餐飯真係有少少失望. 因為食物真的幾貴. 而且味