早安越南 (Closed)

今日獨家村食飯，諗住求其食碗麵就算，記得有friend推介過越南野，就來試試早安越南啦。一個人嗌唔到多啲乜，嗌咗個雞絲扎肉河粉，扎肉仲要係厚切㗎，好有口感，雞絲嫩滑又唔會好硬，吸收晒成個湯嘅精華，最重要係個湯底，唔會好似勁味精但又好鮮甜，有越南風味。另外嗌咗個翡翠貴妃苗，呢個貴妃苗唔係間間都有，仲要炒得好有鑊氣，又健康又唔老。嘢飲就嗌左個青檸梳打，不過不失，係一餐滿意嘅獨家村晚餐。而服務方面，侍應會不停為你添加水而且會為你講解餸菜嘅名稱非常專業。