Video
Read full review
2017-05-04
237 views
搭巴士經過銅鑼灣，總會見到轉角位咁sharp嘅餐廳招牌。Lee日出銅鑼灣睇戲，完場後嗰肚開始打鼓，即刻諗起位於邊寧頓街地舖嘅Neighbor。驟眼以為餐廳好細，但原來有三層。一入門口，就會見到水吧，順著右邊水泥梯級往上行，來到一樓。時約七點，已有不少食客。餐廳樓底高，空間感十足，座位舒適闊落；裝潢別具一格，在那微黃的燈光下，最適合甜蜜愛侶撐檯腳，或邀三五知己共聚，暢飲一番。很高興餐廳人手安排充足，招呼周到。Menu簡單清晰：Set Dinner包頭盤、主菜、甜品、餐湯/餐茶，定價由百幾至三百以內，肉類有齊雞、鴨、豬、牛、魚，烹調還有pizza、risotto及spaghetti，任君選擇，最重要價錢合理，並不進取。加少少錢就可以試到特色小食。想跳出Set Dinner嘅局限，大menu仲有多款選擇。是日餐湯-西蘭花忌廉湯Lee嗰湯清新又健康，差唔多整個湯都係西蘭花蓉，打得幼滑之餘，仲食到少少顆粒感；西蘭花味好香，忌廉及調味嘅比例適中，飽腹感尚可。如果餐廳可以提供多一款是日餐湯供客人選擇就更好了。Caesar Salad作為starter，份量適中；新鮮乾淨的romaine、車厘茄，還有
驟眼以為餐廳好細，但原來有三層。一入門口，就會見到水吧，順著右邊水泥梯級往上行，來到一樓。時約七點，已有不少食客。
餐廳樓底高，空間感十足，座位舒適闊落；裝潢別具一格，在那微黃的燈光下，最適合甜蜜愛侶撐檯腳，或邀三五知己共聚，暢飲一番。
很高興餐廳人手安排充足，招呼周到。
Menu簡單清晰：Set Dinner包頭盤、主菜、甜品、餐湯/餐茶，定價由百幾至三百以內，肉類有齊雞、鴨、豬、牛、魚，烹調還有pizza、risotto及spaghetti，任君選擇，最重要價錢合理，並不進取。加少少錢就可以試到特色小食。
想跳出Set Dinner嘅局限，大menu仲有多款選擇。
是日餐湯-西蘭花忌廉湯（評分3.5/5）
16 views
0 likes
0 comments
是日餐湯-西蘭花忌廉湯
Lee嗰湯清新又健康，差唔多整個湯都係西蘭花蓉，打得幼滑之餘，仲食到少少顆粒感；西蘭花味好香，忌廉及調味嘅比例適中，飽腹感尚可。如果餐廳可以提供多一款是日餐湯供客人選擇就更好了。
Caesar Salad（評分：3.5/5）
9 views
0 likes
0 comments
Caesar Salad
作為starter，份量適中；新鮮乾淨的romaine、車厘茄，還有焗至香脆的粒粒toast，煎香的bacon都均勻地沾有caesar醬，連同上面的cheese一起拌勻，吃起來有點鹹又有點點微辛辣。很開胃～
鵝肝多士
$68
13 views
0 likes
0 comments
鵝肝多士
Lee款鵝肝多士眞係冇得輸。焗至香脆嘅法包，上面舖咗一件厚切鵝肝，煎至微焦嘅鵝肝甘香肥美，入口即溶。畢竟鵝肝嘅texture會令人感覺heavy一d，所以配菜有好fresh嘅沙律，自家製嘅芝麻沙律醬最不可多得，並唔係用普通義大利黑醋。如果唔係為咗留肚俾main course，眞係要encore～
水牛城雞翼
$62
6 views
0 likes
0 comments
水牛城雞翼
Buffalo wings也不平凡。金黃微焦嘅雞皮我最愛（我眞係好鍾意食雞皮🙈），內裏雞肉嫩滑。醬汁濃稠度適中，酸辣惹味～ 如果配埋🍺更一流～
美國安格斯肉眼配紅酒汁
$248
11 views
0 likes
0 comments
美國安格斯肉眼配紅酒汁
侍應一奉上嘅時候，我留意到除咗黑椒汁以及茄汁，粗鹽也被放在一旁，可見店鋪之用心～ 塊扒大過我🖐️，order七成熟，準成，肉質鮮嫩，沒有肥膏，邊位有d連帶跟腱，屬可接受程度。啖啖肉，連食肉獸男友都豎起👍🏼。
響應均衡飲食嘅生活方式，配菜除咗粗薯條之外，仲有沙律菜，同頭先buffalo wings嘅沙律菜一樣，太鍾意嗰汁嚕，清碟行動mission completed～
銀鱈魚配檸檬牛油忌廉汁
$238
9 views
0 likes
0 comments
銀鱈魚配檸檬牛油忌廉汁
銀鱈魚份量唔算特別大，但充滿魚油，煎香後肥美可口，魚肉口感扎實，嫩滑之中帶點微爽。配上酸酸甜甜嘅檸檬牛油忌廉汁，別有一番風味。不得不說，嗰汁整得好用心，食到絲絲脆脆哋嘅檸檬絲，amazing～
有部份薯條浸咗喺嗰汁度，雖然吸收咗d汁，係茄汁以外嘅另一番風味，但腍咗嘅薯條始終爭少少。
垃圾桶
$38
9 views
0 likes
0 comments
垃圾桶
品嚐咗咁多質素唔錯嘅出品之後，我哋有少少貪心，決定加錢upgrade普通餐飲做特飲。「垃圾桶」嗰名眞係好盞鬼，雖然係風馬牛不相及，但少d gimmick嘢又點突圍而出呢？其實佢係mango & lemon soda，酸酸甜甜，清新又消滯～
期間，見到隔離檯嘅食客order 咗signature Neighbor，樽身幾得意，下次一定要試下～
Latte（評分：3.5/5）
$38
8 views
0 likes
0 comments
Latte
沖調者有一定水準，一份expresso，三份奶再加一份奶泡，配埋嗰靚靚拉花，一杯latte誕生。有豆香，酸度適中。當然，咖啡的口味很個人，總體而言還不錯。
乳酪雪糕（評分：3.5/5）
12 views
0 likes
0 comments
甜品 - 乳酪雪糕
🙈掛住試兩杯嘢飲，冷落咗嗰甜品。不過嗰乳酪雪糕口感幾特別，比較實，又有d黏，非常滑。唔知道係自家製定還是同邊間vendor合作嘅呢🤔
總的來說，Neighbor從室內設計，餐單組合與設計，食材與烹調方面，均能在百家爭鳴的銅鑼灣突圍而出，確實為不一樣的鄰家西餐廳～
Post
