老點點心竹筒飯 (Closed)

已經光顧過依間"老點"唔止一次,多數都係閒日嘅下午茶時段,貪佢有每天不同嘅優惠推介。不過今日去完金魚街買金魚,屋企人想起佢嘅點心唔錯要幫襯佢囉。首先點嘅係安格斯牛肉腸粉,每次嘅必定之選。雖然鮮蝦餃唔係星期一嘅優惠價錢,但係家人都忍唔住,正價都要食佢。依度嘅叉燒包都非常好味。最後就要講講至愛嘅豬手,因為冰梅嘅關係。比較平常食開那些,無咁肥膩。入口之後發覺皮脆香甜,跟南乳豬手相比,別有一番味道。