力天冰室

Open Now

Now Closed

好耐冇黎過何文田, 今日經過, 竟然發現有新開既茶記。 一至既天藍色設計就吸引到我入去啦。 入到去, 見到裝潢就同附近既好唔同, 感覺好光鮮舒服。冇諗到2點後下午茶時間都咁多人客。 我同朋友坐底就叫左2個常餐加紅豆冰。佢常餐都有幾多野食, 我地叫左豬潤滑牛米粉。 佢地既餐包竟然係用丹麥包, 腸仔仲有炒蛋。丹麥包暖笠笠配牛油煉奶, 真係好美味, 比起厚方包同牛角包更好食。 真係好少見有茶餐廳會有咁既配搭。 而炒蛋都好有水準, 亦都夠大份。而碗米粉都唔錯。 豬潤雖然薄左d, 但卻煮得好爽口, 而且夠熟。 滑牛都好滑, 似打邊爐既滑牛。 而且碗粉都有好香既薑味, 又唔會覺得辣個種。 味道幾好。而最正仲有杯紅豆冰。 飲落好香奶味, 紅豆原粒, 咬落起沙, 甜度剛剛好。這間茶記真的不一般, 發現真係好好味。