California Pizza Kitchen (Closed)

「不亦樂乎」的原因，不外乎是「有朋自遠方來」。已是月前的聚會。又來麻甩lunch，今次安排得幾急，不過都有六位麻甩出席，今日就連Ray兄也在陣。這裡有午市套餐，有前菜有薄餅更有飲品，都只是七十幾蚊，都幾抵。我們叫了四個薄餅，意式雲吞及雞肉意粉各一。前菜可選豆湯或凱撒沙律，要了沙律，清清地都不錯，但就不是凱撒沙律。看見食友的豆湯，非常之杰身，希望是真材實料。四款薄餅試了三款，餅底不算薄但夠乾身，味道一般，其中以泰式算比較好。以為選夏威夷薄餅已是穩陣的選擇，但上面的菠蘿卻是酸的，幾難得。據Ray兄所講，原來最好的卻是未吃過的芝士薄餅。某些飲品如檸檬茶是如常的可以再添飲，侍應雖然絃斯文，不過服務一般，反應亦麻麻，最好反應是當走的時候跟我們講笑，真的幾唔掂。埋單位位八十蚊，唔算十分貴。都同意，其實吃什麼沒所謂，跟誰人吃才要緊，笑面是比個聚會的，如果要比間餐廳，唔喊面都要係平面。