蓮香樓

今日兩點左右見冇人排隊，就一行三人上去食晏，想同佢很多人，有夥計叫我哋搭枱，我哋都沒有所謂，但見到一張客人剛埋單的吉枱，目測只可以坐四個人，直徑大概兩呎半左右嘅枱，問可唔可以坐嗰張，佢哋話可以，我哋拎住兩大袋物件，過到去，個夥計話要搭多兩個人過嚟，我哋心諗點樣坐，坐到都擺唔到點心，點知一個中年看似老闆嘅人帶咗三個人過嚟話要搭枱，我哋話點坐，點心都擺唔到，跟住佢好大聲話”蓮香樓係要搭枱”，我話都要夠位坐先得，跟住我哋一行三人起身走人，話以後都唔會幫襯，食得唔舒服食嚟做乜嘢，老字號又如何！以前在中環做嘢幾十年，久不久也有幫襯蓮香樓！現在一點也不尊重客人！明白搭枱想做多啲生意，但不是這樣離譜！真想叫嗰個老闆自己坐低感受吓！我不是遊客，是地道的香港人，做遊客生意，也會影響香港好客之都的美譽！