春水堂人文茶館 (創紀之城五期(apm))

Open Now

Now Closed

朋友嚟觀塘接我收工，時間尚早唔算太肚餓，就揀咗嚟春水堂諗住飲吓嘢傾吓計。我哋嗌咗一個蕃茄牛肉麵一齊食，另外我就揀咗茉香珍珠微糖走冰。蕃茄牛肉麵食落唔覺得有蕃茄味，似係紅燒湯底，湯偏油，但可以再濃味少少。牛肉方面有牛腩同牛筋，兩樣都幾冧幾入味，食得出有用香料煮，麵條方面就好啱我口味，入口滑，軟硬適中，overall還好。茉香珍珠有少少失望，茶味係有，但應該係用奶精，珍珠係細粒珍珠，個人比較鐘意大粒較有咬口。整體食物質素中規中矩，但想搵個坐得舒服飲吓野傾吓偈都ok。