euro go go

Open Now

Now Closed

今日同個friend去葵涌廣場行街街，行得攰想搵個舒服嘅地方坐低食個晚飯，於是我哋走咗去新都會廣場睇下有咩食，行行下見到久違嘅Euro go go☺️，見排隊人龍唔多，我哋拿拿聲跟隊，等咗一陣好快就有位喇。依家要自行用QR code下單，既方便又快趣唔錯。煙肉蘑菇薄餅半份 $56.-餅底非常薄脆，蘑菇份量比較少，感覺冇乜蘑菇味道，煙肉及蕃茄味比較重，可惜個面焗得唔夠乾，上面過濕只係餅底脆，口感差咗小小。芝士白汁海鮮意粉 $76.-面層芝士焗到金黃色，意粉煮得軟硬適中，份量又多，芝士白汁味道香濃，口感creamy，配埋蜆肉及魚塊一齊幾好食。.薯皮拼盤 $102.-有吞拿魚、蒜香雞及煙肉芝士各2件，薯皮焗得香口，餡料充足，唯一敗不嘅地方就係太多沙律醬，所以味道偏甜，咬落去嘅時候感覺一pat pat，口感唔太好。