Video
Read full review
2023-10-19
26 views
公司附近，成日經過，都無特別留意入去，老婆過黎搵我食lunch咪入去試下。坐低無耐，侍應遞上lunch 定食memu，唔駛煩。有魚生飯，有飯烏冬定食，有壽喜燒揀，都有唔小選擇。落單之後，好快就黎左杯可樂。鬼死咁渴，一野就隊哂。麵豉湯：多數d送既麵豉湯，都無乜期望架啦。多數都係咸到死勁重味咁。呢次無呢個問題，又有湯料食下，竟然有兩隻細細地剝左殼既蝦，有兩個蜆，仲有豆腐粒同海帶。味道就個人喜好啦，一定唔係出面死咸咁，對我黎講啱啱好。沙律：沙律菜，栗米粒，蕃茄仔，加上胡麻醬，只要d料係新鮮唔會差得去邊。小食：今次係章魚丸，新鮮整起，夠熱，唔會食粉咁，或食落一pat野食漿咁，好正常。最緊要有沙律醬，個醬另上可能會好d，有d人未必鍾意。伊比利亞豬：我就食唔出係豬邊一個部份。但食落去有部份肥肉，又部份係係瘦肉，有小小肥肉先會香口，所以一上台就聞到香味。牛舌薄燒：牛舌，最愛食物之一。見到緊係要試啦。碟牛舌用鐵板上，每塊牛舌上面都鋪滿蒜粒，蔥花。侍應溫馨提示如果想熟d要反一反煎多野，我就無啦，好小心咁連埋d蒜粒同蔥花放入口，濃郁既牛味加埋蒜蔥，無得輸。三文魚炒飯：炒飯真心最緊要較乾身，粒粒分明，d碗炒
有魚生飯，有飯烏冬定食，有壽喜燒揀，都有唔小選擇。
落單之後，好快就黎左杯可樂。鬼死咁渴，一野就隊哂。
麵豉湯：多數d送既麵豉湯，都無乜期望架啦。多數都係咸到死勁重味咁。呢次無呢個問題，又有湯料食下，竟然有兩隻細細地剝左殼既蝦，有兩個蜆，仲有豆腐粒同海帶。味道就個人喜好啦，一定唔係出面死咸咁，對我黎講啱啱好。
沙律：沙律菜，栗米粒，蕃茄仔，加上胡麻醬，只要d料係新鮮唔會差得去邊。
小食：今次係章魚丸，新鮮整起，夠熱，唔會食粉咁，或食落一pat野食漿咁，好正常。最緊要有沙律醬，個醬另上可能會好d，有d人未必鍾意。
伊比利亞豬：我就食唔出係豬邊一個部份。但食落去有部份肥肉，又部份係係瘦肉，有小小肥肉先會香口，所以一上台就聞到香味。
牛舌薄燒：牛舌，最愛食物之一。見到緊係要試啦。碟牛舌用鐵板上，每塊牛舌上面都鋪滿蒜粒，蔥花。侍應溫馨提示如果想熟d要反一反煎多野，我就無啦，好小心咁連埋d蒜粒同蔥花放入口，濃郁既牛味加埋蒜蔥，無得輸。
三文魚炒飯：炒飯真心最緊要較乾身，粒粒分明，d碗炒飯一定做到，最怕又食到食口油，油淋咁，見到都驚。呢碗炒飯無咁既問題。
另外再叫左
秋刀魚刺身：秋刀魚呢個時間食就啱啦，魚香，肉質靚仔，都幾新鮮下，d人成日話秋刀好腥我又唔覺，老婆都怕腥都話接受到。
日本象拔蚌膽炒蘆筍：洋蔥去炒象拔蚌，食落似炒蟶子咁，不過個膽又幾得意個口感，食落似食雞肝咁又夠香口。
最後又望到佢有串燒加beer既餐，四串加一杯beer，一舊水，收工可以去試下。
Post
