Video
Read full review
2019-01-05
15 views
黎開附近行街搵野食，咁岩想食好啲就入左呢間扒房，睇落係茶餐廳咁，但入面似乎大執完一輪，佈置得幾浪漫。一入黎老闆娘驚我地凍親即刻黎山返個窗，好貼心。因為同朋友都係牛魔王，所以叫左一個西冷一個肉眼，都係五成熟，有跟沙律同湯。沙律係黑醋沙律，朋友唔食沙律所以醋呢啲野都係女人黎啦，不過不失。是日白湯係煙三文魚忌廉湯，我地都麻麻，所以都叫左紅湯，有跟餐包，個湯辣辣地好正好惹味，而且唔會太鹹，最驚喜係入面仲有牛尾！重頭戲既牛肉擺盤擺得好靚，一個跟蒜蓉汁一個跟燒汁，兩件牛都係十分重牛味！煎得唔乾，食到心心眼，肉眼夠厚所以見到中間紅卜卜仲有血水，可惜既係西冷因為太薄叫五成熟其實已經差唔多熟哂了。我地本身想一個跟意粉，但估唔到兩個跟薯菜都夠飽。本身以為係菜加薯條，但原來係番薯黎，好甜又煮到岩岩好，仲有得兩粒既菇唔知咩名但係勁有菇味，中和哂剩係食肉既油膩感。最後仲有甜品食呀！朋友已經好飽話唔想食芝士蛋糕啦，但係同我一樣食左一啖就默默食左成件，因為係檸檬芝士蛋糕黎，食落一啲都唔heavy，淡淡地既檸檬味仲好refresh。可能因為之前係茶餐廳，奶茶夠港式夠茶濃，正過台式奶茶好多，我諗唯一唔夠好就係呢兩隻杯破
一入黎老闆娘驚我地凍親即刻黎山返個窗，好貼心。
因為同朋友都係牛魔王，所以叫左一個西冷一個肉眼，都係五成熟，有跟沙律同湯。
沙律係黑醋沙律，朋友唔食沙律所以醋呢啲野都係女人黎啦，不過不失。是日白湯係煙三文魚忌廉湯，我地都麻麻，所以都叫左紅湯，有跟餐包，個湯辣辣地好正好惹味，而且唔會太鹹，最驚喜係入面仲有牛尾！
重頭戲既牛肉擺盤擺得好靚，一個跟蒜蓉汁一個跟燒汁，兩件牛都係十分重牛味！煎得唔乾，食到心心眼，肉眼夠厚所以見到中間紅卜卜仲有血水，可惜既係西冷因為太薄叫五成熟其實已經差唔多熟哂了。我地本身想一個跟意粉，但估唔到兩個跟薯菜都夠飽。
本身以為係菜加薯條，但原來係番薯黎，好甜又煮到岩岩好，仲有得兩粒既菇唔知咩名但係勁有菇味，中和哂剩係食肉既油膩感。最後仲有甜品食呀！
朋友已經好飽話唔想食芝士蛋糕啦，但係同我一樣食左一啖就默默食左成件，因為係檸檬芝士蛋糕黎，食落一啲都唔heavy，淡淡地既檸檬味仲好refresh。可能因為之前係茶餐廳，奶茶夠港式夠茶濃，正過台式奶茶好多，我諗唯一唔夠好就係呢兩隻杯破壞哂成個氣氛，一睇就知係茶餐廳必用款，不過冇所謂啦食物高質咪得！
Post
