堅信號上海生煎皇 (花園街) (Closed)

堅信號上海生煎皇 #旺角作為一個生煎包嘅愛好者，試過好多唔同地方嘅生煎包，包括祥興記、麥記、正宗上海生煎皇、就連上海最出名嘅小楊生煎都試過，今次就試埋呢間新開嘅堅信號上海生煎皇，其實個老闆好似係同上海生煎皇同一個，只係改左個新名同埋個裝修modern咗。佢哋而家喺旺角同埋深水埗都有分店，今次嚟到旺角呢一間，外賣買四隻生煎包仲有優惠，如果堂食就要$32，外賣就係$28.生煎包 $28/4 (外賣)生煎嘅肉汁都幾多，而且外皮都算脆。但係我略嫌佢嘅外皮厚度不一，而且個底某啲位都幾厚，令到佢入面舊肉都唔係算好大好飽滿，而且個肉質有少少鬆散，味道都有啲小籠包嘅嗰隻味，肉汁帶少少酸酸。其實如果冇比較底下就咁食呢個生煎包都幾好味嘅，但係因為當日都食過祥興記嘅生煎包，咁樣比較之下就真係發覺祥興記出色好多！佢哋每一粒嘅大細厚度都一樣，而且非常脆，入面舊肉又夠飽滿紮實，難怪祥興記會攞到米芝蓮推介。味道: 4.1/5性價比: 4/5