Video
Read full review
2009-06-12
18 views
呢間日本料理喺呢個地點已經好多年了，次次餐期去到都係冇位，今次8:45去到竟然有位，可能同市況有關。而且觀察入面環境，地方唔係好大，只有約廿張枱，唔怪得知咁易座滿。格調以黑色為主，枱與枱之間好窄。打開餐牌，發覺入面好多錯別字，不論中文或英文，雖然印刷精美，但好似冇較對咁，你估好似我似家寫blog咁咩。1. 朝日生啤 Asahi - 佢地竟然寫做Asashi，不用多談，相信大家都知道隻味係點。2. 提子乳果特飲 - 係其中一款果酒特飲，加有Vodka + Soda，原來提子加Vodka味道係咁夾嘅，最緊要係提子汁入面帶有微微果香，唔知係咪咁樣，所以會有用葡萄嚟釀出紅白酒呢。3. 龍蝦沙律 - 屬menu入面推介菜式之一，佢有一舊舊嘅龍蝦肉，但又有龍蝦肉做嘅茸再混入沙律醬，醬入面又落咗少許Wasabi用來除腥味，再加上大量魚子，口感豐富，雖然份量唔多，但係當前菜一流，旁邊仲有幾片清涼嘅青瓜伴碟。4. 雞軟骨串燒 - 燒得頗為香脆，非常有咬口，鹽粉曬得均勻，非常惹味，佐酒一流。5. 牛脷串燒 - 與其他餐廳比較，呢度切得比較厚身，而且燒得唔係太耐，雖然入面仍然好juicy，但表面唔太香脆，口
打開餐牌，發覺入面好多錯別字，不論中文或英文，雖然印刷精美，但好似冇較對咁，你估好似我似家寫blog咁咩。
1. 朝日生啤 Asahi - 佢地竟然寫做Asashi，不用多談，相信大家都知道隻味係點。
2. 提子乳果特飲 - 係其中一款果酒特飲，加有Vodka + Soda，原來提子加Vodka味道係咁夾嘅，最緊要係提子汁入面帶有微微果香，唔知係咪咁樣，所以會有用葡萄嚟釀出紅白酒呢。
3. 龍蝦沙律 - 屬menu入面推介菜式之一，佢有一舊舊嘅龍蝦肉，但又有龍蝦肉做嘅茸再混入沙律醬，醬入面又落咗少許Wasabi用來除腥味，再加上大量魚子，口感豐富，雖然份量唔多，但係當前菜一流，旁邊仲有幾片清涼嘅青瓜伴碟。
4. 雞軟骨串燒 - 燒得頗為香脆，非常有咬口，鹽粉曬得均勻，非常惹味，佐酒一流。
5. 牛脷串燒 - 與其他餐廳比較，呢度切得比較厚身，而且燒得唔係太耐，雖然入面仍然好juicy，但表面唔太香脆，口感就唔太好。
6. 蔥吞拿魚腩卷(六件) - 我影呢道菜取咗多個角度至完成，原因在於佢嘅賣相，給大家有個比較，你睇每件嘅切口幾唔整齊，論刀法個廚師可能要多加練習 ; 不過吞拿魚腩真係好肥美，魚脂非常充足，入口甘香無比 ; 但紫菜唔脆，處理肯定出咗問題，呢一點都係敗筆。
7. 雞腎串燒 - 呢串每粒雞腎嘅size就啱啱好，薄薄地，易入口。
8. 鱔串 - 燒香咗嘅魚皮，加上入面仍然有水份嘅魚肉，旁邊有一碟粗鹽，雖然可能會感覺有啲鹹，但係點咗就更容易帶出鱔嘅香味出嚟。
Comments: 總括來說，我覺得呢間嘅串燒甚至比好多其他專門做日式串燒店做得更好，再加上侍應細心嘅服務，唔怪得知呢晚見到佢地有咁多熟客光顧，最重要係佢地亦都唔會待慢我地呢啲首次惠顧嘅客人，可能呢點亦都係佢地嘅成功之道。
Post
