Video
Read full review
2021-11-06
2267 views
成日經過希慎廣場見到呢間LIFETASTIC都想試試，不過又見唔到人龍排隊，問下服務員先知道原來係要訂位。今次就揀左呢度慶祝特別日子，預先係OpenRice訂左位。座位有分店内同店外，今次特登留左店外望到樓下大堂既開揚四人座，我覺得好過店内擠逼既環境。一早已經打算食LIFETASTIC既二人下午茶，價錢$588加一（兩位用），加$188可享2小時紅酒、白酒同香檳任飲。下午茶周六供應時間係由下午2點3開始，平日就3點3先開始。三層架包4款鹹點同五款甜點，所有鹹點甜點都係無麩質製作。今日係以下食物，等我逐一回味一下。招牌草莓西瓜蛋糕呢款招牌草莓西瓜蛋糕當然係超人氣，我其實係第一次食。草莓西瓜蛋糕層次分明，最上層係士多啤梨啫喱，而上面有好多玫瑰花瓣同開心果，下層係杏仁餅底，再下面係兩層帶微微玫瑰味嘅忌廉夾住一層西瓜，最下底又係杏仁餅底。外圍有好多冇乜味嘅淺粉紅色啫喱同花瓣點綴。老實講，樣就靚啦，味道方面個人就唔太鍾意，始終一層咁多汁嘅西瓜喺蛋糕入面真係格格不入。杏仁餅底又唔脆，士多啤梨啫喱又唔係好食到新鮮士多啤梨嘅味道，主要係啫喱味，其實冇乜味。好彩食落都有啲脆脆果仁加添口感。總括而言，我真
一早已經打算食LIFETASTIC既二人下午茶，價錢$588加一（兩位用），加$188可享2小時紅酒、白酒同香檳任飲。下午茶周六供應時間係由下午2點3開始，平日就3點3先開始。
LIFETASTIC既二人下午茶
$588
24 views
0 likes
0 comments
三層架包4款鹹點同五款甜點，所有鹹點甜點都係無麩質製作。今日係以下食物，等我逐一回味一下。
招牌草莓西瓜蛋糕
30 views
0 likes
0 comments
招牌草莓西瓜蛋糕
招牌草莓西瓜蛋糕
15 views
0 likes
0 comments
呢款招牌草莓西瓜蛋糕當然係超人氣，我其實係第一次食。草莓西瓜蛋糕層次分明，最上層係士多啤梨啫喱，而上面有好多玫瑰花瓣同開心果，下層係杏仁餅底，再下面係兩層帶微微玫瑰味嘅忌廉夾住一層西瓜，最下底又係杏仁餅底。外圍有好多冇乜味嘅淺粉紅色啫喱同花瓣點綴。老實講，樣就靚啦，味道方面個人就唔太鍾意，始終一層咁多汁嘅西瓜喺蛋糕入面真係格格不入。杏仁餅底又唔脆，士多啤梨啫喱又唔係好食到新鮮士多啤梨嘅味道，主要係啫喱味，其實冇乜味。好彩食落都有啲脆脆果仁加添口感。總括而言，我真係唔識欣賞，只能夠話似食水果同啫喱多過似食蛋糕。
3款層式蛋糕
14 views
3 likes
0 comments
3款層式蛋糕有:
3款層式蛋糕，瓶子蝶豆花藍莓芝士蛋糕
12 views
0 likes
0 comments
青提刁草蛋糕：青提啫喱上面有少少合桃，可增強口感，仲有少少銀箔點綴。不過食落基本上係刁草忌廉，底層餅底唔脆，好麻麻。
有機焙茶香蕉蛋糕：就係四款當中我覺得最好食嘅，面頭有金箔同兩粒啫喱，食落焙茶味好濃滑，仲有微微香蕉味，呢個配搭好有創意。
無麩質英式鬆餅配自家製玫瑰草莓果醬、芒果及熱情果果醬 、濃縮忌廉
17 views
0 likes
0 comments
無麩質英式鬆餅配自家製玫瑰草莓果醬、芒果及熱情果果醬 、濃縮忌廉
無麩質英式鬆餅
14 views
0 likes
0 comments
無麩質英式鬆餅超熱上枱，一上枱就聞到好香嘅鬆餅味。鬆餅外皮好脆，又唔易散開，味道唔甜，好味喎。濃縮忌廉就唔夠滑，散開哂。反而果醬就好好味，甜度適中，又食得出各樣水果嘅味道，配鬆餅好好。
自家製玫瑰草莓果醬、芒果及熱情果果醬 、濃縮忌廉
8 views
0 likes
0 comments
瓶子蝶豆花藍莓芝士蛋糕
瓶子蝶豆花藍莓芝士蛋糕顏色係冷艷嘅藍色，原來係藍色芝士慕絲下底有藍莓醬，上面就係無味藍色啫喱粒，味道都唔錯，係略嫌藍莓醬太多，而碟豆花味道太弱，同埋唔係芝士蛋糕令人有啲失望。服務員冇提供細匙羹俾你。
吞拿魚薯蓉沙律三文治
8 views
0 likes
0 comments
吞拿魚薯蓉沙律三文治 （2件）
吞拿魚薯蓉沙律三文治一攞就散開哂，塊麵包皮好硬，沙律醬少少辣，食唔到吞拿魚味，只有薯蓉味。差。上面有車厘茄半粒同少少忌廉。
青口藜麥梛菜花飯，魚子醬配南瓜蓉
10 views
0 likes
0 comments
青口藜麥椰菜花飯 （2件）
青口藜麥椰菜花飯係連殼青口上面就有藜麥椰菜花飯，上面係酸酸哋嘅泡沫。青口質素非常普通，絕對係雪藏貨。完全冇特別。我只能話唔好食。
魚子醬配南瓜蓉（2件）
南瓜蓉好滑又甜，配鹹香三文魚籽好夾，反而魚子醬就冇乜味。服務員同樣完全冇提供細匙羹俾我哋食。
吞拿魚薯蓉沙律三文治，煙三文魚檻欖卷
6 views
0 likes
0 comments
煙三文魚橄欖卷（2件）
唔知點解餐牌上面嘅牛油果菠菜雞卷變左煙三文魚橄欖卷，煙三文魚包住一粒橄欖，上面灑上芝士碎，再加少少新鮮菜苗，味道非常普通。
LIFETASTIC 果茶 (2人份)
11 views
0 likes
0 comments
LIFETASTIC 果茶 (2人份) 或 任何2款熱飲
LIFETASTIC 果茶 (2人份)
8 views
0 likes
0 comments
LIFETASTIC 果茶以西瓜、草莓及洛神花製作而成，正價散叫係$88。賣相唔錯，有兩片西瓜用竹簽拮住喺果汁上面。味道方面，真係飲到西瓜同草莓味道，不過個人覺得淡得滯。
LIFETASTIC 果茶 (2人份)
11 views
0 likes
0 comments
至於LIFETASTIC一直標榜食物無麩質，個人就無對麩質敏感，所以無話一定要食無麩質食物。味道方面，偏淡又冇乜層次感。鹹點尤其令人失望。服務好麻麻。呢個價錢絕對冇下次。
Post
