Video
Read full review
2006-04-12
8 views
人人都推介佢地既黃金炸魚伴薯條, 一個週二晚上, 和家人一齊黎食下晚餐, 六點過了, 很少人, 我地行到門口, 一個waiter 示意我地坐卡位, 但另一個waiter就叫我地等等, 唔好入坐住, 唔知佢地想點! 叫左兩份晚餐1)田園沙律, 黃金炸魚伴薯條, 飲品一杯(好似叫百香果汁)(2)煙三文魚凱撒沙律, 鮮蝦配飯, 飲品一杯田園沙律, 係雜菜, 但唔知點解會以豉油做醬, 鹹味沙律, 極怪! 相比之下, 煙三文魚凱撒沙律比較好味, 用沙律醬, 正常一點! 主菜鮮蝦配飯先到, 中size 既蝦有7隻, 每隻都開邊連殼, 除非落手, 否則都食得幾狼狽; 飯係黃色, 但唔係咖哩飯, 又唔係加左雞蛋, 唔知點整! 等左好耐, 都唔見黃金炸魚, 見個waiter 從廚房拿出兩盆炸魚薯條, 以為係我既, 點知係比第二張枱, 但跟住又將兩盆炸魚薯條拿回到廚房, 攪左好耐都唔知兩盆炸魚係屬於邊枱客, 我再等, 終於忍唔住, 叫個waiter 幫我跟下份黃金炸魚, 後來, waiter就從該兩盆炸魚之中, 取了其中一盆比我(因為我既座位係面向廚房, 所以我看到整個過程) , 唔使諗, 炸魚和薯條都已
叫左兩份晚餐:
(1)田園沙律, 黃金炸魚伴薯條, 飲品一杯(好似叫百香果汁)
(2)煙三文魚凱撒沙律, 鮮蝦配飯, 飲品一杯
田園沙律, 係雜菜, 但唔知點解會以豉油做醬, 鹹味沙律, 極怪! 相比之下, 煙三文魚凱撒沙律比較好味, 用沙律醬, 正常一點!
主菜鮮蝦配飯先到, 中size 既蝦有7隻, 每隻都開邊連殼, 除非落手, 否則都食得幾狼狽; 飯係黃色, 但唔係咖哩飯, 又唔係加左雞蛋, 唔知點整!
等左好耐, 都唔見黃金炸魚, 見個waiter 從廚房拿出兩盆炸魚薯條, 以為係我既, 點知係比第二張枱, 但跟住又將兩盆炸魚薯條拿回到廚房, 攪左好耐都唔知兩盆炸魚係屬於邊枱客, 我再等, 終於忍唔住, 叫個waiter 幫我跟下份黃金炸魚, 後來, waiter就從該兩盆炸魚之中, 取了其中一盆比我(因為我既座位係面向廚房, 所以我看到整個過程) , 唔使諗, 炸魚和薯條都已經唔熱, 不過仍然脆, 薯條一點都唔特別, 同麥叔叔既薯條冇咩分別, 炸魚只有一塊, 係龍脷, 皮簿肉嫩, 入口唔會油淋淋, 不過, 我唔覺得呢份炸魚薯條有咩特別與眾不同, 單價要六十幾元, 套餐要九十幾元, 根本唔值! 之後, 我問個waiter要d茄汁, 點知佢將d茄汁攞左去後面張枱, 我再叫另一位waiter 攞過! 客人已經唔多, 都攪到咁亂, 真係極唔得!
最後, 杯飲品原來係汽水, 唔係果汁, 我同家人都唔鍾意飲汽水, 比佢扼左! 唉……
出面有好多餐廳都能夠做出水準更好, 價錢更合理的, 味道更美味既食物, 我一定唔會再黎! 而且呢到既食物種類選擇唔多, 服務又差, 應該要好好改善一下!
Post