小樽駅日式放題料理 (Closed)

今日一家四人去九龍灣新開的放題店試食先試食刺身，各樣點少少三文魚刺身:初時5件5件咁落單係厚切，肥瘦適中，印象唔錯;之後叫15件，一半係肥瘦適中，一半係有白皮，皮切井字，脂肪多，好油膩;再叫多次，今次係厚皮厚脂少肉，見到連夾既衝動都冇，進食意慾全無!甜蝦刺身:初係無蝦頭，之後送上既都有蝦頭，好腥。吞拿魚刺身:更腥。白肉拖羅:食唔出味道，唔知係咩白肉?壽司叫左少量，三文魚的跟上述講既問題一樣。花之戀更加係意想唔到咁差，佢主要係由2片肥厚而帶白皮既三文魚夾住飯團，筷子一夾已分體，各有各味道，整體上係腥味十足值得一讚既係天婦羅，特別係海蝦的，薄漿厚蝦肉，外脆內嫩。南瓜的夠大件但香料重，蓋左南瓜獨有既味。香蕉的口感頗特別，外脆內溶溶地之後點熟食，整體上感覺係甜、油膩同重湯料味牛油炒帶子:夠嫩，但帶子底部沾上一層雞湯料，味道唔夾，髒腸未清理，唔乾淨。炒蛤子:惹味但沙沙的，清洗得唔撤底鰻魚炒飯:第一次食到甜既炒飯，冇鰻魚燒味，純甜炒飯湯烏冬:煮過火，醶味重，唔彈牙。湯蒟蒻:不錯的選擇，彈牙非繁忙時段黎講，上菜速度一般，一碟一碟上，至少唔會叫十碟上十碟。份量比較少，少食已足夠，點左食唔曬好有罪咎感。