Video
Read full review
2013-12-12
3436 views
朋友介紹鰂魚涌比較好的食餐肆就是Simplylife，不過就一定要排隊先得，由於小女子聽聞此店已久卻從未光顧，於是就決定試一試。1點10分左右到達，果然已經有廿多人在餐廳旁邊排隊，隔離的千両其實可以立即Walkin，可是，立下決心要試0既我決定排隊。排在後面的一家三口，小男孩已忍唔住講：「好肚餓呀﹗去隔離食啦﹗」佢媽咪同佢爸爸講：「唉﹗我入去買個包俾佢食住等~」於是，小男孩一聽隨即衝入餐廳，佢媽咪追上去，幾分鐘後，個小男孩食住個包慢慢行出黎，嘩﹗排左差不多半個鐘，我都餓扁喇……1點43分終於等到職員對我講一句：「執埋張檯就可以坐入去架喇~」原來得一個Brunch Menu，冇其他野揀，其實我最想食意大利飯，可惜呢日冇得食本來我同朋友都係叫寬條麵，但難得食一次梗係試唔同野啦係咪先?!於是我轉左食Bagel配三文魚、燒蕃茄，即係下圖不過首先黎0既係青瓜沙律，呢樣唔記得左影相，因為太餓唔俾個相機食先，之但係青瓜得兩條咋，最離奇係有一小舊橙肉0係頂頂，可能係我唔係撈得太均勻，最初食幾啖算幾清新，之後就俾沙律醋酸到我流哂眼水，剩番三分一就投降左，咁重手0既醋，個廚師係咪想我開胃D呢?跟住過左陣主
1點10分左右到達，果然已經有廿多人在餐廳旁邊排隊，隔離的千両其實可以立即Walkin，可是，立下決心要試0既我決定排隊。
排在後面的一家三口，小男孩已忍唔住講：「好肚餓呀﹗去隔離食啦﹗」佢媽咪同佢爸爸講：「唉﹗我入去買個包俾佢食住等~」於是，小男孩一聽隨即衝入餐廳，佢媽咪追上去，幾分鐘後，個小男孩食住個包慢慢行出黎，嘩﹗排左差不多半個鐘，我都餓扁喇……
1點43分終於等到職員對我講一句：「執埋張檯就可以坐入去架喇~」
原來得一個Brunch Menu，冇其他野揀，其實我最想食意大利飯，可惜呢日冇得食本來我同朋友都係叫寬條麵，但難得食一次梗係試唔同野啦係咪先?!於是我轉左食Bagel配三文魚、燒蕃茄，即係下圖
不過首先黎0既係青瓜沙律，呢樣唔記得左影相，因為太餓唔俾個相機食先，之但係青瓜得兩條咋，最離奇係有一小舊橙肉0係頂頂，可能係我唔係撈得太均勻，最初食幾啖算幾清新，之後就俾沙律醋酸到我流哂眼水，剩番三分一就投降左，咁重手0既醋，個廚師係咪想我開胃D呢?跟住過左陣主食就黎，一睇到上檯0既賣相已經失望，真係好唔吸引(上圖)；為左令自己開心D，我order左件藍莓芝士蛋糕，可惜又再一次失望，首先睇下賣相先：
我覺得奶味好重，質感好奇怪，好似軟左0既橡筋，當然冇一、兩粒藍莓0係上高係令人不愉快的啊﹗講番個主食先，D蛋方面，本人非常相信澳洲牛奶公司、民華、華星0既品質應該更好囉三文魚呢……原本以為係一片片咁上，點知係碎濕濕細細舊，仲係混埋落蛋度……塊蕃茄有D酸，冇乜吸引力，最引人注目係蕃茄上面0個舊幾厚下0既乳酪，只係試左一啖，嘩嘩嘩﹗太似食番梘，放棄……最後只有Bagel係令我食哂0既野，因為夠熱又煙煙韌咁，都算OK，但係……食緊0個陣就不禁自問「點解會咁傻俾百幾蚊食呢D0既野呢?」坐緊0既梳化仲勁冇彈力，坐得好唔舒服，真係呻笨~
然後，幸好見朋友個寬條麵都幾OK，你地睇下：
試左味道唔錯架，麵底唔會軟得滯，仲爽爽地添，所以，我更加覺得自己選擇錯誤，根本冇意大利飯就應該轉去另一間餐廳食丫嘛至於野飲方面，0個日係隨餐附送一杯西柚XX茶﹙係凍飲﹚雖然可走冰，我都係加錢叫左杯Latte，朋友要左西柚茶，佢話味道怪怪，飲左兩啖都唔飲喇~而我杯Latte味道不過不失，最失望係竟然冇拉花，哈哈……講呢D……俾個樣你地睇：
呢餐整體都令我深深覺得好唔值得排隊，可能齋食麵包會更好。
Other Info. :
不約而同地，食完呢餐冇幾耐，我同朋友都肚仔唔舒服，我地都有試對方0既野食，究竟係邊樣野出事，到而家呢一刻，都無從得知……
(The above review is the personal opinion of a user which does not represent OpenRice's point of view.)
Post
