笑笑居樂屋 (Closed)

個日行街唔知食咩好,朋友話呢間ok就去試下。我地三個人上到去佢話無位要等,我地費事行就選擇等,約30分鐘後終於有位啦!入到去環境唔錯都幾靜,唔嘈,我地座卡位座位有d窄。我朋友叫左個菠蘿特飲,我見有買一送一就叫多杯,另一個朋友叫左杯有酒精既cocktail。我個杯味道ok不過不失,朋友話佢個杯酒都係ok啦!我地叫左個薯餅,冷麵,鰻魚飯同廚師加州卷 ,上菜好快!首先上廚師加州卷,佢出面唔係芝麻係d一粒粒脆脆地既野但無令到個卷加分,味道普通!之後係冷麵,個麵唔夠凍同較"稔"唔q但個麻醬味道唔錯!跟住上個鰻魚飯,我地o哂咀,裝飯個盒已經細,d飯得薄薄一層鰻魚又少,得4粒麻雀size,味道似係supermarket買返黎自己蒸個種仲要$88,唔值!最後上個薯餅,以為會ok點知食落裡面好乾!總括成餐都係麻麻地埋單仲要$3xx,我覺得去和民好過。