日常素食 (Closed)

媽媽農曆生日話要食素，仲要指定嚟黃大仙北館嘅日常素食，因為呢度都同佢食過幾次。一如既往一揀好坐邊個位後就即刻出去食物區度巡視一下有啲咩嘢食。一般蔬菜煮成嘅素菜已經有接近十款，每款都好吸引，每個款式食一件都食到好飽。另外仲有煎炸區嘅食物又係差不多有成十款。冷盤前菜又有幾款，仲有最愛嘅沙律，不得不提嘅係素食都有壽司、（仿）刺身！湯有兩款，一個係老火湯，另一個係五湖素羹；甜品係我鍾意嘅紫米露，仲有唔會太甜嘅椰汁紅豆糕&桂花糕。