品味創意台灣料理 (Closed)

今日又到E-Max 返工，中午飯時間又去試新餐廳，今次揀左創意台灣料理。係食街中心位置，面積頗大，枱凳擺到餐廳外面，等候時間短。鹽酥雞扒飯。份量頗大，不過炸粉厚，比較硬，食落有咸香味，配飯可以。如果鼓油與飯可以分開上更好。台灣牛肉麵。牛肉煮得都腍，但牛肉味一般，湯汁也只是普普通通。蘿蔔煮不透，生水又硬又有青味。跟餐有餐飲，但珍珠奶茶要加$10。午餐份量多，但價錢也比較貴。是一間偏貴一般般的台式餐廳。