博多拉麵別天神 (Closed)

上星期自己一支公喺旺角行街 唔經唔覺買完波鞋已經差唔多10點，見到隔離山東街有一間細細地望落幾有日本風格嘅拉麵店，冇諗太多就入去試吓，入去上網睇先知原來佢仲有好幾間分店佢嘅拉麵選擇得兩款，選擇不多，但係因為一啲日本好食嘅拉麵店都係專注做兩三種湯底，所以對我來講感覺反而唔錯叫咗一個別天神套餐，呢個豬骨湯底佢哋標榜不加牛奶同味精，拉麵一到即刻試吓個湯底，豬骨味道真係非常濃郁，而且唔會有其他拉麵店嗰隻咸到喉嚨唔舒服嘅感覺，飲落好綿滑，同埋佢配料嘅份量都好多，有一隻糖心蛋同兩塊叉燒，佢哋嘅麵質都幾彈牙，而且叉燒處理得好好，非常香呢個套餐仲會配埋四隻餃子，即叫即整，外皮非常香脆，而且餡料都非常juicy一般來講我覺得香港集團式經營嘅拉麵店可能都俾人感覺唔太好食，但係呢間食落真係唔錯，值得再嚟！