德美壽司

Open Now

Now Closed

好耐冇約fd子去尖沙咀行吓，行到攰fd子帶路嚟咗呢間日本餐廳食個飯先。雖然店名有壽司兩個字，但其實除咗壽司之外，仲有好多唔同種類嘅日式食物。店內人手十分充足，落咗單食物好快就送到。油甘魚刺身 - 一份有五片，每件都厚切，好肥美，咬落柔軟無筋好鮮甜。北寄貝壽司 - 壽司飯握得結實唔會一夾就散，北寄貝爽口彈牙有嚼口。稻亭烏冬 - 可以揀熱食或凍食。配料都有四款，有蔥、薑蓉芥末同埋烤天婦羅粒粒。烏冬汁甜中帶少少酸幾開胃。冰涼嘅烏冬點埋個汁，夏天食一流享受。巨峰乳酸梳打 - 味道酸酸甜甜好夠氣，好清涼解渴。