Video
Read full review
2021-08-11
21 views
有啲餐廳久唔久就想再幫襯一次，今日又來厚福街呢間上樓串炸店幫襯，打開Menu見到佢哋嘅食物豐富左，除咗大阪串炸，而家仲有多咗串焼同燒物，呢度清酒選擇豐富，而且好多酒都有優惠，坐低叫咗一支叫作嘅日本原酒，味道爽甜幾清新，有少少碳酸感，配搭油膩食物一流。前菜嘅南瓜沙津依然係好香甜，雞泡魚乾夠惹味，酒盜芝士充滿鹹香，加埋伴碟多士，非常適合做下酒菜。跟住要咗一隻日本赤崎生蠔，生蠔味道好清甜，爽脆有海水味。叫咗雞皮，雞腎，雞心及大葱雞肉串，水準唔錯，材料全部都好新鮮，雞腎特別出色，好爽口，雞皮又脆卜卜，完全唔油膩。期間限定嘅炸日本鰻魚，外皮香脆，鰻魚肉有鮮味，魚肉依然細嫩，油分夠多，幾適合做串炸。炸日本洋蔥仔，size細細粒，炸醬夠薄，外皮不會刮口，洋蔥炸後清甜爽口，唔會有辛辣味。炸蓮藕夾蝦餅，蓮藕爽脆，蝦肉清甜彈牙，夾埋一齊炸，味道非常配合。炸山藥，山藥口感爽脆，入口清甜，中和了油膩感。再叫了一支景山千秋龍脈清酒，甜味少一點，口感辛一點，比較乾身，少一點碳酸感，入口幾順滑柔和，餘韻清香悠長。西班牙黑毛豚肉豬肋條，外皮燒到香口，黑毛豬肉非常之嫩滑，面有少少辣蘿蔔同埋辣椒絲，味道層次豐富。鹽燒日本
前菜嘅南瓜沙津依然係好香甜，雞泡魚乾夠惹味，酒盜芝士充滿鹹香，加埋伴碟多士，非常適合做下酒菜。
跟住要咗一隻日本赤崎生蠔，生蠔味道好清甜，爽脆有海水味。
叫咗雞皮，雞腎，雞心及大葱雞肉串，水準唔錯，材料全部都好新鮮，雞腎特別出色，好爽口，雞皮又脆卜卜，完全唔油膩。
期間限定嘅炸日本鰻魚，外皮香脆，鰻魚肉有鮮味，魚肉依然細嫩，油分夠多，幾適合做串炸。
炸日本洋蔥仔，size細細粒，炸醬夠薄，外皮不會刮口，洋蔥炸後清甜爽口，唔會有辛辣味。炸蓮藕夾蝦餅，蓮藕爽脆，蝦肉清甜彈牙，夾埋一齊炸，味道非常配合。
炸山藥，山藥口感爽脆，入口清甜，中和了油膩感。
再叫了一支景山千秋龍脈清酒，甜味少一點，口感辛一點，比較乾身，少一點碳酸感，入口幾順滑柔和，餘韻清香悠長。
西班牙黑毛豚肉豬肋條，外皮燒到香口，黑毛豬肉非常之嫩滑，面有少少辣蘿蔔同埋辣椒絲，味道層次豐富。
鹽燒日本A4和牛西冷，用上日本嘅和牛，入口即溶，油份超級澎湃，牛肉粉嫩有肉味，牛味係口腔直冲上鼻腔，自己加了少少鹽或山葵，可以解膩提升肉味。
餐廳氣氛特別好，加上酒水嘅優惠，一啖酒一啖肉，特別好feel! 不只是一般居酒屋！
Post
