Video
Read full review
2011-08-01
2 views
huffy:難得同女朋友食飯，只求食得開心，但惡夢由進入這餐廳開始。。。我們入到去坐下，環境還可以。點餐，我點了咖哩豬扒飯跟湯同餐茶，而女友點了忌廉意粉跟沙律同餐茶，但竟然點餐後不到五分鐘，食物已經全部上枱了!首先女友飲湯，但飲完一啖，發覺她面有難色，我便試一啖，嘩，不得了，原來係咸魚湯，噢，為了個腎著想，唯有放棄。之後轉戰沙律，嗰杯仔由椰菜，紅椰菜絲絲絲同幾粒我女友形容為又硬又痴牙既物體組成，她試完既樣，令我冇氣去試。。。又放棄了主菜！！！！先講忌廉意粉，可能是為了平衡之前既咸魚湯，所以特別將忌廉汁調校淡味點，變成白恰意粉，還好，起碼入得囗。至於那個吉列實的的豬扒燶咖哩硬飯。。。碟的一方有伴菜，竟然同我加錢既沙律一樣，份量還要多，不過一樣難食，豬扒超硬，個飯雖然係珍珠米，不過我覺得用黎炒冷飯好過，個咖哩汁超咸又燶！！(可能佢地覺得係濃味啦 )唉…算嗱，諗住飲埋個餐茶走啦，我點了杯餐牌話曰本咩野特別咖啡，女友就點了綠茶，冇事嗱掛，咁就錯哂。又一驚奇之作。。。我杯咖啡只係一杯有咖啡油既咖啡水。。。而女友既綠茶，真的讓我孤陋寡聞。一壺茶一個茶包，正常丫，不過沖出黎既茶竟然係超淺淺淺黃色
huffy:難得同女朋友食飯，只求食得開心，但惡夢由進入這餐廳開始。。。
我們入到去坐下，環境還可以。點餐，我點了咖哩豬扒飯跟湯同餐茶，而女友點了忌廉意粉跟沙律同餐茶，但竟然點餐後不到五分鐘，食物已經全部上枱了!
首先女友飲湯，但飲完一啖，發覺她面有難色，我便試一啖，嘩，不得了，原來係咸魚湯，噢，為了個腎著想，唯有放棄。
之後轉戰沙律，嗰杯仔由椰菜，紅椰菜絲絲絲同幾粒我女友形容為又硬又痴牙既物體組成，她試完既樣，令我冇氣去試。。。又放棄了
主菜！！！！先講忌廉意粉，可能是為了平衡之前既咸魚湯，所以特別將忌廉汁調校淡味點，變成白恰意粉，還好，起碼入得囗。至於那個吉列實的的豬扒燶咖哩硬飯。。。碟的一方有伴菜，竟然同我加錢既沙律一樣，份量還要多，不過一樣難食，豬扒超硬，個飯雖然係珍珠米，不過我覺得用黎炒冷飯好過，個咖哩汁超咸又燶！！(可能佢地覺得係濃味啦 )
唉…算嗱，諗住飲埋個餐茶走啦，我點了杯餐牌話曰本咩野特別咖啡，女友就點了綠茶，冇事嗱掛，咁就錯哂。
又一驚奇之作。。。我杯咖啡只係一杯有咖啡油既咖啡水。。。
而女友既綠茶，真的讓我孤陋寡聞。一壺茶一個茶包，正常丫，不過沖出黎既茶竟然係超淺淺淺黃色，她已泡了約五分鐘，茶包不會番用掛，都算！！女友凍，想加熱水，嗰個經理同我講要加十蚊，個下我真係燥左，我話唔洗，埋單。。。。。
合共二百六十元，咁既質素，完全唔值
冇野下話，加左錢要餐。。。想加熱水啫，又要加錢。。唔係唔捨得，係唔值，唔好去搶，錯，係好過去搶，我去酒店食野，加熱水我真係未試過話要加錢LOR 咁做生意。。。祝佢好運
本人既第一個食評竟然俾左間咁既餐廳。。。。
Post
