北京拉麵店 (Closed)

琴晚臨訓前好想食菜飯,於是決定今日lunch要搵間有菜飯食嘅餐廳食。行過popcorn, 見到翡翠開左,不過佢地無做lunch set, 於是就行去將軍澳中心個邊睇下仲有無邊度有菜飯食。行呀行呀行,行到北京拉麵店門前,見到午市套餐有菜飯食,三十幾四十蚊包埋湯,飲品同炒木耳蔬菜好似好抵咁,就入左去。我點左個糖醋魚菜飯,跟左杯五穀豆漿。其實個飯同個魚食落係ok嘅﹐唔難食但唔係特別食﹐杯所謂嘅五穀豆漿,嘩完全係伏黎！杯野係紫紫地灰灰地色,望落去傑到喊。小嚐一啖﹐勁想嘔返出黎。杯野飲落口完全無豆漿味,口感係一pat lim液黎,味道古怪。事因太難飲﹐我就叫左個經理黎問佢呢杯係乜鬼野黎,佢就過係五穀豆漿,仲話佢地嘅豆漿係一支支密封嘅,客人要先會開,倒出黎加熱。佢仲拎埋支野比我睇。我望一望,發現唔對路,原來menu上所謂嘅豆漿係米漿黎 唔怪得啦！大佬你又話係豆漿點知黎杯米漿算點？唉…都算. 話說明明有湯送,我個飯食到一半都無人拎黎,於是我就問個侍應,都唔知係咪我唔問佢都唔會比我。是日例湯 我諗係忌廉湯黎。好水味道好怪,然後個忌廉湯係加左海帶 兩樣野唔match到核爆 完全唔知咩combinatio