Video
Read full review
2018-01-25
5260 views
因為朋友就黎結婚，要出黎傾下婚禮流程，一行人又唔想食中菜(雖則酒樓唔會限時食趕人)，去CAFÉ係好似好有悠閒FEEL咁不過又要定時點野食/飲品先可以坐得耐，唯一諗到就係打任食邊(因為通常兩個鐘任食都夠坐同夠食)。地點配合番大家方便，揀左荃灣區食，食任食野當然要閃去大鴻輝成幢任君選擇，可能係平日關係，大堂等電梯人流唔算好多，排左5分鐘已搭到上去。而係等電梯既短短時間，最後轉軚去食韓燒，食下香口野。上到去場唔算爆，坐滿約8成左右(其時約7點)，我地被安排坐近窗邊望到街景，一坐底成班人都當遑不讓衝左去自助區起勢咁夾野埋位燒。呢間漢和其實之前都食過3、4次，覺得幾好座(當然，食得韓燒D衫同頭髮要預左吸一身油煙味)，野食選擇都頗多，同埋有熟食，埋位未燒好之前，首當要扲熟食充下飢。熟食選擇有飯、炒麵、炸物(如雞翼薯條煎堆之類既大路野)、有菜、秋刀魚，仲有兩三樣款既日式款料理；呢D都係味道普通，反而有樣真係不得不推就係佢既豬腳薑，好入味好香，每次黎都會忍唔會食番一碗(酒樓店屬於特點類)，豬手/腳煲得好入味吸晒香醋，口感係我鐘意食既化骨綿掌程度，豬手皮有點彈牙，每隻豬手/腳都斬好細細件， 方便食客，唔
地點配合番大家方便，揀左荃灣區食，食任食野當然要閃去大鴻輝成幢任君選擇，可能係平日關係，大堂等電梯人流唔算好多，排左5分鐘已搭到上去。而係等電梯既短短時間，最後轉軚去食韓燒，食下香口野。
上到去場唔算爆，坐滿約8成左右(其時約7點)，我地被安排坐近窗邊望到街景，一坐底成班人都當遑不讓衝左去自助區起勢咁夾野埋位燒。呢間漢和其實之前都食過3、4次，覺得幾好座(當然，食得韓燒D衫同頭髮要預左吸一身油煙味)，野食選擇都頗多，同埋有熟食，埋位未燒好之前，首當要扲熟食充下飢。熟食選擇有飯、炒麵、炸物(如雞翼薯條煎堆之類既大路野)、有菜、秋刀魚，仲有兩三樣款既日式款料理；呢D都係味道普通，反而有樣真係不得不推就係佢既豬腳薑，好入味好香，每次黎都會忍唔會食番一碗(酒樓店屬於特點類)，豬手/腳煲得好入味吸晒香醋，口感係我鐘意食既化骨綿掌程度，豬手皮有點彈牙，每隻豬手/腳都斬好細細件， 方便食客，唔會大大件食濟或者食到成個咀都係圍住醋，不錯不錯。
熟食間唔時都會有蜆搬出來的(屬不定時食物，唔係成晚都會供應)，不過就要爭分奪秒留意住同掌握先機衝出去羅(排前面果個一次過”不”走兩三碗就可能剩番啲蜆殼架喇)，因為屬秒殺食物，轉頭就被清空。
另外仲有一樣都必推既係三文魚魚生，呢個供應得好密，因為多人夾(但放心因為供應得密所以一定夾到同好新鮮，包保食到你唔食為止)，每次行出去自助區夾都夾成碟，三文魚切得幾厚身，食個夠本。
56 views
0 likes
0 comments
食韓燒黎唔開都係比個爐你夾野燒來燒去果幾味(自助區都幾有為數18樣野選擇:有雞翼、腸、羊肉、牛肉、豬肉、魷魚、章魚鬚、洋蔥、餐肉等)，係漢和食牢燒極推最愛燒三寶，分別係燒牛肋骨、牛肉同埋冬菇。
燒牛肋骨真係無得輸，唔知佢咩解究可以醃得咁入味，燒緊果味已香到不得了，咬落去好JUICY同真係每口都食到牛肉汁，好惹味令人會係咁燒呀燒，我幾次黎都係燒佢為主(其實係為佢而黎)，一流。
燒牛肉都不錯，不過食法會用生菜包住(係佢個生菜區有個醬橙色的仲有蒜塊)，連埋一齊夾住黎食，你幻想下韓劇啲阿豬媽食野個樣果種滋味就是了。呢個食法不錯架。
仲有冬菇，冬菇係自助區夾起時唔係乾身的，係浸過水等佢身淋D易燒，又係一燒啲煙冒起超香，必食。全晚都只集中攻三寶，大滿足。
食完基本上都個肚都好爆，無咩點食甜品(見到有牛奶布甸、JELLY、牛奶公司雪糕、涼粉)，不過實在已任食無極限到一個點，已無法再往肚裡塞。
仲有一提，唔知果晚係咪平日關係，一直坐都未係爆場滿晒，所以我地一行人食野時間其實超過兩小時都無趕人走，足足坐左2個半鐘傾婚禮既野。
感覺自在，不錯喔，任食野其實味道來去都係咁上下，不過志在一班人食野既氣氛開心、坐得舒服輕鬆自在，所以先會回頭翻兜。
Post
