砂煲兄弟 (東港城) (Closed)

新開張和老婆試下做白老鼠,因為是兩位,等的時間不是太長,侍應都十分勤快,不過坐位就一般好坐,叫了一個臘味煲仔飯($88),一個梅菜扣肉煲仔菜($78),再加一杯紅豆冰($30).首先講煲仔飯,落完單5分鐘就送到,我和太太都有點驚訝!好明顯是煮定好的.良心講雖然是煮定的,不過整煲飯都算好食既,亦有飯焦,可以有75分以上.不過最離譜都是那個梅菜扣肉煲,梅菜是小到你搵唔到,整個煲底都是白菜仔,梅菜祗有幾粒,係細細的幾粒,扣肉仲大鑊,不肥亦不瘦,如果食開梅菜扣肉既就明白不肥不瘦點解會出事,食落去還是"鞋"的.其他煲仔菜我冇試,可能剛好祗是梅菜扣肉出事,大家可以試下其他,不過梅菜扣肉就奉勸大家真的不用試了.