Video
Read full review
2015-04-01
4038 views
食完嘔血!!!未試過食飯食到咁嬲，不吐不快!!!!星期六係附近買完野，難得唔使點等位，同朋友一齊去神化左既蘭芳園。（p.s. 係中環番工既我第一次食）呢個蔥油雞扒撈丁真係不得了，基本上係等於食燒味飯，蔥油同雞扒完全唔夾，不過只係將d飯變成煮到淋哂既公仔麵，加杯奶茶就要49蚊埋單，貴都算!!重點係服務奇差！我叫個餐都要受人氣，只不過係叫錯左都要俾面色你睇。我：「我想要個芝麻牛肉汁...都係唔好，我想改番做蔥油雞扒撈丁，唔該哂！」侍應：「小姐，你究竟想叫咩，我寫左落去改唔到！」我：「我想要葱油雞扒。」侍應開始黑面。之後到我朋友每講一個餐，佢都係用非常輕挑既語氣講「哦、哦」。終於朋友頂唔順，問「你依家究竟係咩態度？」「對唔住lor，唔好意思lor，咪幫你落緊單lor，想點姐？！」係茶餐廳我唔會要求所謂既服務，大家都係想快快手食完，但呢次完全係受氣，點解我仲要貼錢買難受，而且味道相當一般!!!!!
星期六係附近買完野，難得唔使點等位，同朋友一齊去神化左既蘭芳園。（p.s. 係中環番工既我第一次食）
呢個蔥油雞扒撈丁真係不得了，基本上係等於食燒味飯，蔥油同雞扒完全唔夾，不過只係將d飯變成煮到淋哂既公仔麵，加杯奶茶就要49蚊埋單，貴都算!!
重點係服務奇差！我叫個餐都要受人氣，只不過係叫錯左都要俾面色你睇。我：「我想要個芝麻牛肉汁...都係唔好，我想改番做蔥油雞扒撈丁，唔該哂！」侍應：「小姐，你究竟想叫咩，我寫左落去改唔到！」我：「我想要葱油雞扒。」侍應開始黑面。之後到我朋友每講一個餐，佢都係用非常輕挑既語氣講「哦、哦」。終於朋友頂唔順，問「你依家究竟係咩態度？」「對唔住lor，唔好意思lor，咪幫你落緊單lor，想點姐？！」係茶餐廳我唔會要求所謂既服務，大家都係想快快手食完，但呢次完全係受氣，點解我仲要貼錢買難受，而且味道相當一般!!!!!
Post
