幸福週末 (Closed)

喺京華睇完醫生，落樓感覺天氣悶熱，下雨天總是又焗又悶，心想不如買杯嘢解解渴。本來係想飲隔離間珍珠奶茶，但見到人龍已卻步。反而呢間嘢好安靜，唔使等嘅誘惑，都係解渴而已，水果茶應該冇伏啦？！佢嘅歷史都略知一二，不過估唔到家下變得咁冷清。揀咗個非熱門飲品，西柚檸檬果茶，大大片西柚，冇花冇假，味道酸酸甜甜，茶味不太濃，剛好入口的茶香，味道幾好。不過，個份量太細，未夠解暑。其實杯嘢飲唔錯，啲員工仲好禮貌，好好笑容，希望會keep到水準，堅持做落去。如果，大熱天時，有得揀大杯飲定細杯飲，就更加好啦。