沛華園

Open Now

Now Closed

南山係我成日黎食宵夜既地方，通常都食品香居多，呢晚突然想食湯面，所以就決定食呢間車仔面喇！其實今次都唔第一次黎，但對上一次已經應該２年前喇，時間真係過得好快 一見到張點餐紙，心諗而家啲車仔面咁貴既！慳妹性格即刻上身平時食開深水埗都平起碼兩至三成啊！唯有睇下佢啲野食係咪大份啲啦～我叫左牛柏葉，水魷魚，魚肉同埋米粉底，而我朋友就叫左蘿白，豬紅，芝士腸同牛腩跟河粉。以個碗既大細黎講，佢的確係大碗佢，米粉同河粉量都足。但啲餸既量同味道就唔多抵喇，我所有餸都試過哂（食埋朋友果份），蘿白豬紅呢啲就不過不失啦唔會差得去邊既～但我叫既牛柏葉同水魷魚就真係失準左啲喇，一黎我果碗本身已經係好清淡既味啦，而呢兩款佢都係直接煮，已經無技巧可言架啦，但竟然可以係好ＵＮ 其實比得＄９一款本身都已經少份量，無味再加埋煮得過左時，就真係唔值咯！相對黎講＄５既魚肉，蘿白同豬紅就叫扺啦，下次識揀喇！（不過應該下次食返深水埗果啲算）