Video
Read full review
2018-08-10
460 views
琴晚同朋友慶祝生日，見成日經過荃灣廣場時Ruby Tuesday都好似好多人幫襯咁，於是決定試下。上星期日已經book咗位，所以嚟到完全唔洗等就入得去喇~😊見網上食評多數推介食Ribs，於是決定要叫份Ribs嚟試下。但一打開Menu，d嘢都幾貴下...🙄 閒閒是旦一份主菜平均都要$300...然後，以為類似set dinner咁，會有餐飲/沙律，點知原來係咩都無，全部要散叫。有個沙律吧，但原來要$198一位（任添沙律）🙄叫咗主菜都好，都要加$138先可以拎一次沙律...（但唔覺d沙律有咩特別，完全唔值）但落單都等咗幾分鐘先有人理我哋，一開始有個waiter話有咩需要可以搵佢，但要落單時完全消失咗（最後埋單時都等咗好耐🙄）。最後叫咗個Ribs Triple Play（$358加一）上菜都有d慢，隔離枱喺我哋落單後先嚟，但佢哋落單叫嘅嘢到得7788，我哋一樣嘢都未上...🙄 最後等咗差不多15-20分鐘先上菜。期待已久嘅Ribs終於到喇，但有少少失望...薯蓉不過不失，炸雞胸肉&炸蝦無咩特別，而Ribs兩邊燒得比較乾，味道就還可以，但唔明點解咁貴，覺得唔太值...🙄而且主菜真係只得主菜，完
上星期日已經book咗位，所以嚟到完全唔洗等就入得去喇~😊
見網上食評多數推介食Ribs，於是決定要叫份Ribs嚟試下。但一打開Menu，d嘢都幾貴下...🙄 閒閒是旦一份主菜平均都要$300...
然後，以為類似set dinner咁，會有餐飲/沙律，點知原來係咩都無，全部要散叫。
有個沙律吧，但原來要$198一位（任添沙律）🙄
叫咗主菜都好，都要加$138先可以拎一次沙律...（但唔覺d沙律有咩特別，完全唔值）
但落單都等咗幾分鐘先有人理我哋，一開始有個waiter話有咩需要可以搵佢，但要落單時完全消失咗（最後埋單時都等咗好耐🙄）。
最後叫咗個Ribs Triple Play（$358加一）
上菜都有d慢，隔離枱喺我哋落單後先嚟，但佢哋落單叫嘅嘢到得7788，我哋一樣嘢都未上...🙄 最後等咗差不多15-20分鐘先上菜。
期待已久嘅Ribs終於到喇，但有少少失望...
薯蓉不過不失，炸雞胸肉&炸蝦無咩特別，而Ribs兩邊燒得比較乾，味道就還可以，但唔明點解咁貴，覺得唔太值...🙄
而且主菜真係只得主菜，完全無包餐飲/餐湯，食物又唔覺得特別好食，真心有d失望，完全唔值！同樣嘅價錢，同類嘅餐廳嚟講，我寧願食OutBxxx。
Post
