海港食家 (Closed)

今晚同老婆第一次專登搭車去食一間太起眼的食店，坐van仔過都唔適落車。全場只有大約十張，有好多街坊同熟客，最好訂先，有懷舊feel。其中有兩個侍應比較大年紀，外表好似好粗魯，但係又非常nice喎，有問必答，好有街坊feel，所以都係唔好睇外表啦！我地叫三個菜：豆腐海鮮湯、砂魚頭煲同埋煎咸鮮魚豆腐海鮮湯加好多白菜仔，所以人小都可以唔使再叫多一碟菜，佢所謂海鮮就係用D班魚骨做湯底，都好鮮味。砂魚頭煲就有豆腐、冬菇、火腩同埋白菜仔做配菜，但我個人就覺得D魚頭就多小小炸粉，同埋個煲都係唔熱，應該係煮好先放落個煲到，但整體個煲都OK煎咸鮮魚一碟有三條，跟一碟汁，第一口食落去覺得好乾身好酥脆但有點咸，應該一般人都可以接受，冇乜細骨，好易食，其實碟汁都可以唔使點，應該就咁食都好有味。