甘の季節

Open Now

Now Closed

下午茶時間有啲肚餓，就嚟到呢一間甜品舖食個甜品。佢哋選擇唔算好多，不過有齊傳統中式甜品同埋新式甜品，啱晒唔同人口味今次叫咗花生腰果合桃糊加小丸子，另外在加咗香菇豬肉燒賣。香菇豬肉燒賣$15有六粒，價錢嚟講算係幾抵，但係食落冇乜香菇味，只有豬肉味，有少少失色。不過幾欣賞佢辣椒油另上，可以根據口味加辣椒油。而花生腰果合桃糊唔係好食到腰果味，反而合桃味比較出，有少少失望，小丸子份量算OK，亦都算煙靭，同合桃糊都幾夾。呢區甜品舖唔多，希望佢可以keep住個水平。