悠蔬食 (渣甸中心) (Closed)

本想著健康和姐妹們去呢間素食店。睇menu有好多款式，中日西類型都有，我哋咩都點嚟試下。點知中日西式都好，全部都係同一隻味道，全部調味都係蠔油汁，連意粉都係呢隻味！去茶記食碟炒意粉無咁嬲。而且調味好濃好咸好味精，食完渴一晚。大家食素都係想健康，除咗個沙律，所以熟食都係油淋淋，勁多汁勁油嗰種。周末晚最低消費每人200，但只係茶記質素，坐位又逼，唔抵食。原來二百字先可以評分，唯有再打多啲。佢所有菜式咩都落菇，全部都係菇，睇落就好似好大兜，仲慳成本。雖然話係素食，但其實有好多種蔬菜，唔係得一味菇。