品越越式料理 (雅蘭中心) (Closed)

好耐冇出旺角，好多地方都已經改頭換面，所以都唔知去邊度搵嘢食，咁呀等紅綠燈嘅時候，抬頭一望，見到有間裝修唔錯嘅餐廳，原來係食越南野！我本身比較鍾意食粉麵，所以我就決定想去試吓😏😏叫咗兩個下午茶，呢個係雞翼扎肉湯檬，雞翼覺得少咗啲，得壹隻雞全翼！扎肉味道幾正😋😋😋😋同平時食開嗰啲個味唔同，好清新！呢個係另外一個下午茶，雞串湯檬！啲雞串香茅好重，我覺得好香，啲雞都好大舊！女仔食應該夠飽，男仔食就可能爭少少😁😆😆不過以價錢來講係份量可以嘅！同埋我可能平日去冇乜人，環境好好，服務亦好好！如果大家行開旺角的話，可以上去抖抖，食個tea~