759雲吞麵 (Closed)

759不嬲都只係做零食鋪, 但今年佢竟然開埋雲吞麵鋪, 咁就不妨來試下啦! 叫左一碗雲吞麵加底同一碗魚片魚蛋麵. 睇圖就可以知加底同唔加底嘅分別 都有成一半嘅增多. 首先講D麵, 都幾彈身, 唔係煮到林哂果種, 都係乾身爽口嘅! 至於魚蛋就相對唔係特別彈身, 食落都冇咩特別鮮味, 味道就係普通啦, 不過不失. 至於雲吞係朋友叫嘅, 佢話都幾好味, 唔會話太淡, 或者皮太厚, 餡太淡果D. 仲有個餡係得蝦無豬肉,所以食落好似係特別爽口, 朋友comment就話唔錯, 下次經過都可以再試嘅!