Video
Read full review
2021-07-05
208 views
新店在Popcorn開業，新嚟新豬肉，本身又鍾意食馬拉嘢，今日閒日過咗午飯時間以為少啲人，但仍要等大約15分鐘才有位。餐牌內食物好吸睛，樣樣都想試。首次光顧當然係先試招牌菜啦。無骨海南雞飯店內掛上「尋覓99分海南雞飯」牌坊，試吓先知幾多分！雞份量合理，中間食到一兩件比較鞋，個人寧願犧牲口感也要雞肉煮得熟透，比較安全。飯係麥飯，增加口感之餘亦健康啲。飯不算油，有少少甜味。雞湯非常清淡，無添加。雞件配中間的甜酸汁會令雞變腥🧐。反而醬油就做得出色，同雞肉非常夾。這個質素的雞，在某某海南雞專門店亦可食到。麥飯係第一次食到的配搭，雞湯無添加好好，價錢$88係正常。個人覺得值90分！檳城蝦麵$82濃稠蝦湯掛在滲滲上，滿口蝦味，非常正！而且還可以當湯飲，飲完亦唔覺得口渴。其他配料吸收咗蝦湯頓時味道昇華。唯用油麵配米粉的滲滲，略嫌煮得太腍欠口感。追加優惠⋯⋯加$38可配兩款小食，今次揀咗：小食（1）魚餅（單點$28）紅咖喱令薄薄的魚餅有微辣，香茅/檸檬葉味很出，魚肉彈牙好味。小食（2）班蘭咖央多士 （單點$26）多士唔係用白麵包，可能係用黑糖或椰糖之類混合做出咖啡色。不過多士落無甜味，整塊都係脆身。斑
餐牌內食物好吸睛，樣樣都想試。首次光顧當然係先試招牌菜啦。
無骨海南雞飯
店內掛上「尋覓99分海南雞飯」牌坊，試吓先知幾多分！
雞份量合理，中間食到一兩件比較鞋，個人寧願犧牲口感也要雞肉煮得熟透，比較安全。飯係麥飯，增加口感之餘亦健康啲。飯不算油，有少少甜味。雞湯非常清淡，無添加。雞件配中間的甜酸汁會令雞變腥🧐。反而醬油就做得出色，同雞肉非常夾。
這個質素的雞，在某某海南雞專門店亦可食到。麥飯係第一次食到的配搭，雞湯無添加好好，價錢$88係正常。個人覺得值90分！
無骨海南雞飯
$88
25 views
0 likes
0 comments
檳城蝦麵$82
濃稠蝦湯掛在滲滲上，滿口蝦味，非常正！而且還可以當湯飲，飲完亦唔覺得口渴。其他配料吸收咗蝦湯頓時味道昇華。
唯用油麵配米粉的滲滲，略嫌煮得太腍欠口感。
蝦麵
$82
15 views
0 likes
0 comments
追加優惠⋯⋯
加$38可配兩款小食，今次揀咗：
小食（1）魚餅（單點$28）
紅咖喱令薄薄的魚餅有微辣，香茅/檸檬葉味很出，魚肉彈牙好味。
魚餅
15 views
1 likes
0 comments
小食（2）班蘭咖央多士 （單點$26）
多士唔係用白麵包，可能係用黑糖或椰糖之類混合做出咖啡色。不過多士落無甜味，整塊都係脆身。
斑蘭咖央味道香，甜度適中。厚切牛油令乾涸感的多士變滑，一啖甜、一啖滑，口感十足。好味😋
斑蘭加央多士
14 views
0 likes
0 comments
加$10可配飲品
薏米水勁有薑味，而且不太甜，可以一試。不過見到周圍嘅客人大多都係叫凍飲，大杯好多！
熱薏米水
10 views
0 likes
0 comments
加$10 配南洋咖啡
可能因為落煉奶的關係，相對比較甜。咖啡味道不濃。
咖啡
22 views
0 likes
0 comments
店面有這個會發声的「傢伙」幫忙送餐，得意！
衛生方面，留到未段才寫，以免影響食慾。
可能人手有限，坐下見到枱面未抹淨，污跡清晰可見。侍應在多番舉手後終於見到我哋，提點下才過來清潔。都係用嗰塊「萬能」的千年布來抹😒
Post
