SOLO UDON ソロうどん (Closed)

路過見到呢間新開餐廳，裝修新穎，全部單人位，一格格，好得意，一於試吓🤗每個位都有獨立分隔，呢幾年疫症，香港人對於衛生要求更高，有間隔嘅食肆，反而更加令人安心，食得專心，又放心🥰自助點餐，自己揀好食物飲品甜品或小食，全程不經人手，坐到埋位，將收據放喺上面，坐定定，就有專人為你送上美食👍🏻我order咗「明太子溫泉蛋冷烏龍麵」，估唔到原來好鬼馬咁揭開個簾為我送上，初初真係嚇咗我一跳，真係有啲大鄉里，哈哈！😂諗返呢個情景，有啲似日本嗰間X蘭拉麵🍜，講返碗麵，個賣相已經感受到佢好有誠意，湯底清澈，旁邊配上Wasabi，當然馬上要打卡啦😎麵底煙韌彈牙，好有質感，溫泉蛋Perfect♨️，之後再配埋Wasabi，又係另一種食法，正👍🏻櫻花蝦芫荽餅天婦羅，好出色，估唔到芫荽嘅天婦羅係比我想像中好味，櫻花蝦嘅香味喎芫荽估唔到咁夾，熱辣辣，脆卜卜，yummy 👍🏻日本木村靜岡綠茶🍵可樂，第一次飲，綠茶味嘅可樂好得意，可以試吓，唔錯！天婦羅盛盒，絕對高質，脆口而不油膩，一人份量，食得好滿足，一個人一個位，食得特別專心，可以好好咁品嚐食物嘅美味😋呢個甜品更加係極力推薦，表面佢係一罐汽水，其實佢係一罐甜品，好似