Video
Read full review
2021-02-07
1283 views
市區大鄉里入屯門旅行，周圍搵黃店食，其中呢間體驗真係頗大改善空間，所以想獻上第一篇食評。咁我同男朋友叫咗兩個lunch，一個係燒封門柳餐，加咗六十幾蚊轉個白飯做蛋包飯。另一個係肥牛烏冬。烏冬就一般ok啦，個跟餐麵豉湯淡咗少少。但個蛋包飯好咸。然後個燒牛肉我地等咗好耐，我地食曬個飯同烏冬，問咗一次，再等咗好一段時間先到。其實侍應妹妹都態度好好嘅，仲好抱歉我地等咁耐送多兩片牛比我地（我地由頭到尾都只係問咗一次，無係咁催），但個問題係，等咗咁耐啲牛係未溶曬雪的...可能我地去得早未準備好？（我地十一點左右佢地啱啱開時去的)但會唔會考慮早少少開始準備或者晏啲先開始供應燒牛呢？
Post