Video
Read full review
2023-01-30
379 views
「鮪世市場」係將軍澳開店嘅時候我已經幫襯，該店座位唔多，即使每次要排隊都無阻我嘅雅興。其後佢搬大舖，搬咗去旺角花園街，我之前食過一次晏，發覺水準保持到👍，所以就約埋朋友晚市再食過。呢度環境唔錯，雖然話間舖大咗，不過座位都係得廿幾個左右，而其中有一邊係吧枱位，可以睇住師傅搓壽司👨🏻🍳，就好似貴價料理店一樣，哈哈。餐廳採用QR Code落單，非常方便📲。如果唔係太多客人，我建議分開幾次嗌，咁就可以即整即食，確保喺最佳狀態下食用。壽司賣相好得🍣，醋飯微暖，酸度適中，而且魚生普遍都切得大塊。壽司款式繁多，定價有平有貴，無論想平食定豪食都得，豐儉由人。比較經濟、大件夾抵食嘅代表有特大赤海蝦($9)、北寄貝($9)同三文魚腩($12)。🦐赤海蝦口感綿得嚟又帶少少爽口。海鹽輕燒大本鮪魚腩($48)，🐟鮪魚即係呑拿魚，鮪魚腩肥美，用上海鹽輕燒，我覺得比起就咁食拖羅更有層次，而且一啲都唔腥。🔥火炙系列一向係我嘅最愛，我哋見住師傳火炙得好有心機，所以每片魚生都燒得均勻，而且用芝士沙律醬調味唔會過火，無蓋過海鮮本身嘅味道。圖中嘅係火炙三文魚($9)以及火炙三文魚腩($18)，兩款三文魚味道分別其實唔太大，
「鮪世市場」係將軍澳開店嘅時候我已經幫襯，該店座位唔多，即使每次要排隊都無阻我嘅雅興。其後佢搬大舖，搬咗去旺角花園街，我之前食過一次晏，發覺水準保持到👍，所以就約埋朋友晚市再食過。
呢度環境唔錯，雖然話間舖大咗，不過座位都係得廿幾個左右，而其中有一邊係吧枱位，可以睇住師傅搓壽司👨🏻🍳，就好似貴價料理店一樣，哈哈。
餐廳採用QR Code落單，非常方便📲。如果唔係太多客人，我建議分開幾次嗌，咁就可以即整即食，確保喺最佳狀態下食用。
壽司賣相好得🍣，醋飯微暖，酸度適中，而且魚生普遍都切得大塊。壽司款式繁多，定價有平有貴，無論想平食定豪食都得，豐儉由人。比較經濟、大件夾抵食嘅代表有特大赤海蝦($9)、北寄貝($9)同三文魚腩($12)。🦐赤海蝦口感綿得嚟又帶少少爽口。
海鹽輕燒大本鮪魚腩($48)，🐟鮪魚即係呑拿魚，鮪魚腩肥美，用上海鹽輕燒，我覺得比起就咁食拖羅更有層次，而且一啲都唔腥。
火炙三文魚腩
$18
10 views
0 likes
0 comments
另外兩款火炙壽司係火炙帆立貝($24)同火炙左口魚裙邊($16)，🐚帆立貝夠厚切，肉質細嫩又鮮味。當年我第一次食左口魚邊就係喺將軍澳店，炙燒後將魚嘅油脂迫晒出嚟，其他地方做唔到同樣效果，到而家我都覺得鮪世嘅出品係世一🥇。
厚切火炙鵝肝($48)，壽司店嘅鵝肝竟然可媲美酒店西餐嘅水準🤤。首先鵝肝又厚又大塊，炙燒完之後變成外脆內軟，完美演繹何謂入口即溶。食落有少少漏，不過最重要係唔腥，亦無膶味。伴旁嘅自家制燒玉子($9)，則屬正常水平，甜度適中，而且印上店舖招牌「鮪」字。
北海道白鳥貝刺身
$36
13 views
0 likes
0 comments
炸軟殼蟹手卷
$38
6 views
0 likes
0 comments
北海道海鹽炸甜蝦
$58
9 views
0 likes
0 comments
日式燉蛋($22)，🥚茶碗蒸都OK，起碼蒸蛋夠滑溜，又幾足料，但高湯味比較淡，唔夠某連鎖店好食。
東京人氣芝士蛋糕
$22
6 views
0 likes
0 comments
厚切火炙鵝肝
$48
19 views
0 likes
0 comments
火炙左口魚裙邊
$16
11 views
0 likes
0 comments
總括嚟講，鮪世市場絕對不容錯過🎌，食材質素不俗，師傅有功架，而客人亦唔需要用昂貴嘅價錢就可以體驗到。我認為餐廳值得推介！
Post
