Video
Read full review
2022-05-31
261 views
依間餐廳佔據街口嘅一角，門面不大但非常雅致，每次經過都忍唔住探頭望😀終於搵到機會試🤓餐廳貫撤住法式酒館嘅經營風格，除咗menu一系列嘅house wine,亦有侍酒師為每枱推薦每道菜式嘅配酒😽當日平日晚上去到，有唔少外國人都係席上食客，氣氛非常愉快😆店員親切友善，會等待前菜享用完再上主菜，令食客可以放慢節奏慢慢品嘗😚—《 #Pithiver of Pigeon and Foie Gras》$398 ⭐⭐⭐⭐💥黎到依道必定要點佢地嘅Signature dish 國王派(Pithiver)，中間嘅餡料會定時轉換，而小編當日就係配乳鴿同鵝肝😌呢個類似beef wellington既外貌已經非常吸引，表皮光亮，花紋完整，令人好想即刻切開睇下入面😍內部層次分明，上層係厚身嘅鵝肝，下層乳鴿，再有一片椰菜包裹住🥰中間亦有一層薄薄既鵝肝醬，唔細心睇唔會留意到，但食落散發既香味令整個味道更豐富，亦唔會搶fo✌🏼成個批食落外脆內軟，鵝肝啫喱狀味唔太濃，乳鴿雖然口感扎實但亦唔算鞋口😆不過實在有啲heavy,食四分一左右已經非常滿足🥹—《 #Beef Tartare》$208 ⭐⭐⭐⭐️生牛肉他他都係其中一樣餐
依間餐廳佔據街口嘅一角，門面不大但非常雅致，每次經過都忍唔住探頭望😀終於搵到機會試🤓餐廳貫撤住法式酒館嘅經營風格，除咗menu一系列嘅house wine,亦有侍酒師為每枱推薦每道菜式嘅配酒😽
當日平日晚上去到，有唔少外國人都係席上食客，氣氛非常愉快😆店員親切友善，會等待前菜享用完再上主菜，令食客可以放慢節奏慢慢品嘗😚
—
《 #Pithiver of Pigeon and Foie Gras》$398
⭐⭐⭐⭐💥
黎到依道必定要點佢地嘅Signature dish 國王派(Pithiver)，中間嘅餡料會定時轉換，而小編當日就係配乳鴿同鵝肝😌呢個類似beef wellington既外貌已經非常吸引，表皮光亮，花紋完整，令人好想即刻切開睇下入面😍
內部層次分明，上層係厚身嘅鵝肝，下層乳鴿，再有一片椰菜包裹住🥰中間亦有一層薄薄既鵝肝醬，唔細心睇唔會留意到，但食落散發既香味令整個味道更豐富，亦唔會搶fo✌🏼成個批食落外脆內軟，鵝肝啫喱狀味唔太濃，乳鴿雖然口感扎實但亦唔算鞋口😆不過實在有啲heavy,食四分一左右已經非常滿足🥹
—
《 #Beef Tartare》$208 ⭐⭐⭐⭐️
生牛肉他他都係其中一樣餐廳既signature 🏅食過好多唔同餐廳嘅版本，呢度嘅牛肉他他唔會韌帶少少酸味，中間有啲capers做配搭😎亦唔會落太多生洋蔥搶左個味食落好fresh，撈埋雞蛋黃一齊食感覺再滑身啲🤓
有得揀配薯條或者沙律，可惜嗰日餐廳個焗爐壞咗只可以揀沙律🤨但沙律出奇地有誠意，入邊配左青蘋果片，醃洋蔥同開心果粒，個開心果粒驚人地脆，而且香味極濃，最後成個沙律清晒😜
—
《 #Perfect Egg》$128 ⭐⭐⭐⭐💥
呢一間嘅完美蛋每一期都一樣有唔同嘅配搭，今次就係配蘆筍、牛肝菌同黃酒醬🤡個配搭都幾balance，略嫌蘆筍有啲大舊，如果每樣野再細啲就更岩點麵包😈
對上一次小編朋友食過一個配搭係開心果仁粒，麵包糠同蘑菇，大家下次見到呢個配搭都可以試吓✌🏼
—
《#Grilled Duck Breast》$298 ⭐⭐💥
鴨胸相比其他菜式就略為失色😵💫外表依然非常吸引，色澤粉嫩，薄切鴨胸下墊有南瓜汁🦆可惜食落卻略嫌難以咀嚼，肉汁唔多，當中亦有筋位😥而且表皮煎得唔夠，缺少焦香味及香脆口感🫠所以雖然調味唔錯，但口感影響整體感覺😿
Post
