Monster Sushi (Closed)

平時食迴轉壽司食到厭，今次就試吓呢間打高尚路線嘅壽司。先來一個創意十足嘅芒果花之戀。三文魚都幾新鮮，而且配合清甜嘅芒果味道好正。火炙醬油魚背裙邊，口感極之幼滑，油香味重！配埋點點辣醬好滋味帶子大大粒，非常爽口清甜。唔會有好似平時唔新鮮嗰啲梅梅地咁嘅感覺。牛油炒雜菌分量唔算多，不過牛油味幾重，味道都唔錯。而且用鐵板上保持溫度，可以慢慢食。不過人手略嫌真係有啲不足，服務速度緩慢。其實外面大排長龍，但係入邊幾員工執唔切枱，所以要等好耐。