Video
Read full review
2016-02-02
2688 views
今次揀左一間素食餐廳，唔好諗住一定係傳統中式素食喎，佢係一間50年代三藩市風情既美式素食餐廳，入到黎都被佢地既裝修擺設吸引住，呢個亦係好多客人喜歡黎幫襯既目的之一，因為可以影多d相。雖然餐廳唔大，細細的但算是坐得舒服，朋友們相聚吃吃喝喝，傾計笑下都不知幾開心啊！想飲少少酒但要揸車既朋友唔洗驚，可以揀呢個冇酒精既啤酒，係呀...冇酒精的，我試左一啖，真係有啤酒味架喎，當然比平日飲既淡少少啦！朋友揀左香蕉豆奶奶昔，口感太杰啦，冇乜甜味，香蕉味都幾濃厚，上面既cream係有椰子味的，幾得意吖，中意唔太甜奶昔的朋友可以試試。我就叫左呢杯Tropical smoothies，滿滿的熱帶果味，不過偏甜左，下次再叫一定要少甜先得。香草蒜香南瓜薯角 $88，濃濃蒜蓉味，加上黑椒既點綴，有啲似椒鹽味道，南瓜焗到好軟身仍帶有水份，食起上黎唔會乾，面薯角都值得讚，因為都唔係乾到柴皮咁。泰式素串燒 $58，呢個一定要試，麵筋有肉味而且口感煙un，炸粉唔多，一點都唔油膩，配上泰式甜酸醬令胃口大開。香草蒜香惹味烤菇 $88，賣相唔係好，但有內涵，大大隻菇肉厚菇味濃郁，加埋蒜香完全是perfect，呢個烤菇做得好呀
今次揀左一間素食餐廳，唔好諗住一定係傳統中式素食喎，佢係一間50年代三藩市風情既美式素食餐廳，入到黎都被佢地既裝修擺設吸引住，呢個亦係好多客人喜歡黎幫襯既目的之一，因為可以影多d相。
雖然餐廳唔大，細細的但算是坐得舒服，朋友們相聚吃吃喝喝，傾計笑下都不知幾開心啊！
想飲少少酒但要揸車既朋友唔洗驚，可以揀呢個冇酒精既啤酒，係呀...冇酒精的，我試左一啖，真係有啤酒味架喎，當然比平日飲既淡少少啦！
朋友揀左香蕉豆奶奶昔，口感太杰啦，冇乜甜味，香蕉味都幾濃厚，上面既cream係有椰子味的，幾得意吖，中意唔太甜奶昔的朋友可以試試。
我就叫左呢杯Tropical smoothies，滿滿的熱帶果味，不過偏甜左，下次再叫一定要少甜先得。
香草蒜香南瓜薯角 $88，濃濃蒜蓉味，加上黑椒既點綴，有啲似椒鹽味道，南瓜焗到好軟身仍帶有水份，食起上黎唔會乾，面薯角都值得讚，因為都唔係乾到柴皮咁。
泰式素串燒 $58，呢個一定要試，麵筋有肉味而且口感煙un，炸粉唔多，一點都唔油膩，配上泰式甜酸醬令胃口大開。
香草蒜香惹味烤菇 $88，賣相唔係好，但有內涵，大大隻菇肉厚菇味濃郁，加埋蒜香完全是perfect，呢個烤菇做得好呀，肉厚得黎唔硬，依然好柔軟有彈性同埋保留左菇汁。
椒鹽炸脆豆腐 $88，呢個相比頭先幾味就失色左啦！冇乜特別之處，面頭炸得唔夠鬆脆，因為炸過既關係，豆腐比較乾身同埋鞋口，質地有d似臭豆腐咁，以呢個價黎睇好似唔多值。
呢個差唔多個個客人都點，素黑椒大豆炸餅漢堡包，伴南瓜薯角，賣相幾靚吖有睇頭，個大豆炸餅有有輕微黑椒味道，同肉肉都有幾分相似，整體唔算特別好食，但好似signature咁一定要試試囉。
最後呢碟豆奶黑松露醬什菌燴意粉 $148，真心好好味，什菌既香冇俾黑松露蓋過哂，不過咁樣唔代表冇黑松露味，只係配合得剛好，意粉好滑好彈牙，個汁唔洗講我都勁中意，唔會太稀而且每條意粉都沾到醬汁，好滿足啊！
Post
