Rabbitland Cafe

Open Now

Now Closed

首先環境惡劣，地上面差唔多都係草，服務員就叫我哋坐係地上面？空間亦都好細，好熱好唔舒服咁。其次就係嗰啲嘢食都唔係佢地整嘅佢地係叫外賣，我食咗個$108嘅套餐，裡面嘅嘢出面買可能都唔使呢個價，杯嘢飲單買就$68，應該係包埋入場費，但係我覺得如果佢俾呢d野飲嘅話咁仲不如直接要我地俾入場費。一開始我仲以為會係嗰啲獨家自製嘅飲料，我就話咁都可以呀如果係自己整嘅出門差唔多都係呢個價，但係佢唔係，一杯$10左右可以買到嘅維他奶，佢呢度賣$68？佢同食評嘅菜完全唔一樣，都唔知係唔係佢地請返黎嘅水手。同埋佢嗰度嘅兔仔都未到係好靚嗰啲，仲要瞓晒覺，唔可以抱出黎，佢淨係抱咗一隻出黎，搞到嗰一隻兔仔就俾人圍住晒，其餘嘅兔仔都唔係好活潑，拎住野食去喂佢佢就理你，一唔係就唔理。