倫哥尊尚火鍋私房菜 (Closed)

十幾個人一早黎訂枱，包左間大房，開始感覺環境都唔差，到人多既時侯閂門勁唔通風，換氣率好差。環境都唔係重點，價錢性價比真係勁差，三百幾蚊既價錢，食物選擇勁少，雪櫃野食兩個櫃一眼睇曬，就算比錢叫牛黎食啲質素都係勁韌唔新鮮，一舊舊擺落火鍋要勁耐先得。刺身上枱，一上碟完全睇得出冇誠意，三文魚黑邊厚切，刺身一舊舊大細不一，完全係亂切冇刀功，而且咀嚼落去有啲香口膠既感覺，刺身唔係任食見大家到都可以食剩，可想而知好劣。唯一可以讚既真係個海鮮，比較算好食又大盤，有鮑魚、蟶子、帶子，熱辣辣大大盤係好食。重點坊間呢個價錢正常罐裝啤酒可以任飲，雪糕可以任食，呢間完全係冇，全部酒水都係收費。最重點埋單送雪糕，個店員一大盤雪糕送到入黎放低就走左，點知返轉頭講一人一杯雪糕，仲話我地離曬譜，服務真係好惡劣，邊個會貪你一杯雪糕，仲要係最平既雀巢雪糕，呢樣真係嬲。