Cafe Siam (The Plaza ) (Closed)

好耐都冇寫食評，今次真係忍唔住要寫一寫，其實呢間餐廳都開咗好多年，我都幫襯左好多次，對上一次應該係上年年尾，嗰陣時仲未咁差，今次經過E 網訂枱，有折扣，相信同時間就坐的人都應該係透過呢個網去訂枱有折扣，星期日的下午人很多，可惜服務員只得三四個，服務員的態度也一般，可能人多的關係開始做到有啲煩，其中有一個年青的女孩態度真的不敢恭維，見佢不停跑來跑去，但係其實效率一般唔見得特別快，仲要打爛野，其實有時候反而唔做折扣，服務和食物質素應該會更好，始終人客太多做唔切。柚子沙律，味道一般很淡，但柚子新鮮。 冬陰公，不酸也不辣，隻蝦明顯係極度唔新鮮，啲肉好梅，但係尚算多料。炒椰菜仔，一個字！冇味！菜很老。小食拼盤，真心講啲嘢食應該係炸定，春卷同蝦餅是凍的，香葉雞幾好食，最有趣係串燒，靈魂醬汁花生沙嗲醬竟然冇俾我哋，但我見佢哋好似好忙所以都算數，食晒成碟之後個侍應竟然攞個串燒汁上來，然後說sorry，都已經食晒仲攞嚟做乜。。。蛋網炒金邊粉，好明顯係因為時間關係，說好的蛋網，變了一塊老蛋皮。。。本來一間很好的餐廳竟然變成咁，真係好可惜，中環區我最鍾意食呢間泰國菜，希望唔好為咗做折扣客，拖低晒食物質素。