芭堤雅泰國餐館

Open Now

Now Closed

今午有同事話係元朗Yooho Town附近有間泰國菜唔錯，咁啱要去元朗做嘢，約晚上六点半到了餐廳，地方唔算大，但裝修同坐位舒適，七点前已滿坐，私心提議要提早book位！我同朋友二人點咗泰式拼盤，有粉絲春卷，芝麻雞翼，魚餅同蝦餅，春卷炸得脆，包住粉絲好惹味又唔膩，芝麻雞翼肉質嫩滑又香脆，但我覺得最好食係蝦餅，爽口彈牙有蝦味，配埋酸甜汁好好味。美國牛肋肉串燒，廚師用牛肋肉加入少許自家製醬汁來提升肉質，入口香嫩又juicy, 有齒夾留香的口感。泰式黃咖喱牛筋腩，軟滑香霖，配薄餅點汁就最夾。最後加埋泰式飛天通菜，廚師炒得惹味香口。二個人點咗四個餸都好飽，結賬唔駛五百元，都幾抵食，係值得推介朋友的餐廳！