潮興魚蛋粉 (Closed)

四年一度世界杯,真係攪到日夜癲倒,訓完一個小時,又要出發.由於食友之一攪活動,可以去佐治吧睇波,見仲有少少時間,先行醫肚.潮興魚蛋從網上睇,都有幾間同名店舖,未知是否同一老闆.不過潮式粉麵有一個最好處,就係夠快.牛什米配油菜 : 牛什米內有膀肺肚腸四大類,已經是大路做法,不過滷得夠稔但味太輕,就算淋上米粉的什汁都起不了太大作用,不看價錢,以牛什米來說是不合格,其實另加六蚊有一碟菜又幾化算,份量當然比較少,但都可以接受,如果在附近找潮式粉麵檔,還有幾間可選,不必再來.