Video
Read full review
2022-01-04
162 views
今日lunch非常忙碌，不過都同同事來到美麗華廣場二期的<莆田>試下。同事話呢道幾好食，不過個人來講，呢道出品嘅食物賣相是不錯的，至於個鹵麵，我個人感覺一般般。前菜的鹵水豆腐不錯。個湯材料豐富，好足料，有排骨、紅籮白、粟米等等，湯底味道清甜。午餐選了紅菇鹵麵，不過有點兒失望，個麵條煮得極之腍，可能呢種就係煨麵嘅特色？不過煮完出嚟個湯底極為濃杰，濃度有點兒過火，簡直好似漿糊咁，煲咗好耐一樣。同事話畀我知，福建菜嘅煨麵就係咁，不過個人就覺得，呢個似漿糊煨麵多啲。麵條嘅味道，就係一般嘅海鮮麵咁，冇乜特別，入口鹹鹹地。今日呢個午餐，我唔太懂得欣賞福建菜嘅特色，而且為咗食呢個午餐，我等咗足足25分鐘嘅上菜之久，希望下次有所改善吧！～
前菜的鹵水豆腐不錯。
個湯材料豐富，好足料，有排骨、紅籮白、粟米等等，湯底味道清甜。
午餐選了紅菇鹵麵，不過有點兒失望，個麵條煮得極之腍，可能呢種就係煨麵嘅特色？不過煮完出嚟個湯底極為濃杰，濃度有點兒過火，簡直好似漿糊咁，煲咗好耐一樣。同事話畀我知，福建菜嘅煨麵就係咁，不過個人就覺得，呢個似漿糊煨麵多啲。
麵條嘅味道，就係一般嘅海鮮麵咁，冇乜特別，入口鹹鹹地。
今日呢個午餐，我唔太懂得欣賞福建菜嘅特色，而且為咗食呢個午餐，我等咗足足25分鐘嘅上菜之久，希望下次有所改善吧！～
Post
