秀拉麵 (Closed)

新拉麵店，知道有做晚市，唔似豚王咁無晚市，就一於walk in博一博睇下有冇機會試下，真好彩，有位仲要唔洗等，拉麵又未售罄。一入店，幾熱下，抽氣唔多妥當，第一個感覺就唔多好。一坐底侍應姐姐就俾剔剔紙，要咩自己隨便剔，要蔥唔要蔥，叉燒肥定唔肥，湯辣定唔辣，麵軟定硬，任君選擇。是日要個白秀加個黑秀，加個餃子，應該夠飽了。先黎白秀拉麵另加半隻蛋。湯夠杰身，d湯掛哂上d麵到，不過食到尾就好漿口，唔多岩我，湯唔太熱，誇張講句周邊環境仲熱過個湯，一路食一路滴汗。叉燒要腩，堅係腩，夠肥。配料有蔥有木耳。另加既半隻蛋就很不錯，食落有淡淡煙燻味。麵方面，麵條係幼細麵，不過仍然夠咬口，入口尚算爽滑煙韌，算是唔錯。原來黑秀只係加上黑醬油，同白秀分別唔大，早知試撈麵或赤秀好過。餃子，可以加幾款料，是次要芝士，芝士加餃子，味道無咩特別，不過餃子煎到皮裂，當係一時有失手吧，味道幾大眾化。環境就真係好熱，抽氣問題要處理下，用濕紙巾先知係某集團管理，我明啦，環境熱d，食完快d走，可以做多幾轉，都係說笑吧。服務幾唔錯，店員快手快腳，水係枱面，自助式，唔洗叫加水。食物其實唔太差，只係今天的我唔識欣賞，當然明天的我可能會打